Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 26 Tshisua-munene 2005. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 7 Kasuabanga too ne mu lua dia 26 Tshisua-munene 2005. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Ntshinyi tshitudi mua kuenza bua kumuenekabi ne: dikankamija ditudi tufila tudi tudifila “bua dinanga”? (Filem. 9) [be dib. 266]

2. Mmunyi mutudi mua “kubela bantu ne dilongesha dilelela”? (Tito 1:9, MMM) [be dib. 267 tshik. 1-2]

3. Bua tshinyi bidi ne mushinga bua miyuki yetu kuikalayi ikankamija bantu, ne mmunyi mutudi mua kufika ku dienza nanku? [be dib. 268 tshik. 1-3, kazubu]

4. Bua kuidikija Mose, mmunyi mudi diambuluisha bakuabu bua kuvuluka malu akadi Yehowa muenzele bantu bende dibapetesha muoyo mukole? (Dut. 3:28; 31:1-8) [be dib. 268 tshik. 5–dib. 269 tshik. 2]

5. Bua tshinyi kuakula ne disanka bua bidi Yehowa wenza mpindieu ne bua bienzaye matuku atshilualua kudi mua kukankamija batuteleji betu? [be dib. 270-271]

MUDIMU NO. 1

6. Bible wa Septante ntshinyi, ne mbua tshinyi udi ne mushinga kudi bena Kristo? [si-F dib. 307 tshik. 12–dib. 310 tshik. 14]

7. Ba-Masorete bavua banganyi, ne mmunyi muvuabu bambuluishe bua kukudimuna Bible? [si-F dib. 310 tshik. 18; dib. 311 tshik. 20-21]

8. Mmukanda kayi udibu batambe kushindamena bua kupatula tshitupa tshia mifundu ya mu tshiena-Ebelu ya mu nkudimuinu wa Traduction du monde nouveau mu Anglais, ne bua tshinyi tudi mua kuamba ne: nkudimuinu eu nkudimuinu mujalame wa kueyemena? [si-F dib. 312 tshik. 28, 30]

9. Mmunyi muvua bena Kristo ba kumpala baleje muvuabu ne dijinga dikole dia kumanyisha Dîyi dia Nzambi ku bantu? [si-F dib. 315 tshik. 1-5]

10. Ntshinyi tshidi dilonga dia Mifundu Minsantu yakafundabu ku bianza anyi mishindu mikuabu dituleja bua Bible? [si-F dib. 320 tshik. 32]

DIBALA DIA BIBLE DIA KU LUMINGU LUONSO

11. Pavua Yehowa mubenge bua Davidi kuibaka ntempelo bidi bileja ne: Yehowa kavua muanyishe mvita ivua Davidi uluangana ayi anyi? (1 Kul. 22:6-10)

12. Mu disambila divua Solomo muenze bua kubanjija ntempelo, mmunyi muakajadikaye ne: Yehowa kêna anu utabalela majinga a basadidi bende bonso mu tshibungi patupu, kadi udi utabalela kabidi a muntu yonso udi umutshina pa nkayende? (2 Kul. 6:29, 30)

13. “Bademon bikale bu mbuji ya mpumbu” badibu batele mu 2 Kulondolola 11:15 (NW) ntshinyi?

14. Bu muakatuadija Bâsha kukokesha ‘mu tshidimu tshisatu tshia bukalenge bua Asa’ ne kushalaye mu bukalenge anu bidimu 24 patupu, mmunyi mudibu mua kuamba kabidi ne: Bâsha wakaya “kuluangana ne bena Yuda” mu ‘tshidimu tshia makumi asatu ne tshisambombo tshia bukalenge bua Asa’? (1 Bak. 15:33; 2 Kul. 16:1)

15. Mmunyi mudi 2 Kulondolola 20:22, 23 ufuanyikija bimpe tshikadi pa kufikila bulongolodi bua Satana mu katupa emu?