Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisua.

“Bantu ba bungi badi belangana meji bikole bua mudi tshikondo tshia mafesto tshilue tshikondo tshia kuenda mushinga. Udi pebe wela meji ne: mafesto aa mmajimije tshipatshila tshiawu anyi? [Lekela muntu andamune.] Tshibejibeji etshi tshidi tshileja mudi bilele bia mafesto bishintuluke mu kupita kua bidimu. Tshidi kabidi tshileja mutudi mua kutumbisha Nzambi ne Kristo bimpe.” Bala Yone 17:3.

Réveillez-vous! 22 Tshisua.

“Kukadi bidimu bu 85 bivua tshipupu tshia disama kampanda tshishipe mu mbingu 24 bantu bungi bupite budi Sida mushipe mu bidimu 24. Bamue badi batshibikila ne: tshipupu tshibi tshia katshia ne katshia. Ukadiku mumvue bakula bua gripe wa bena Espagne anyi? [Lekela muntu andamune.] Tshibejibeji etshi tshidi tshikonkonona bikala bualu bua mushindu eu mua kuenzeka kabidi. Tshidi tshileja kabidi tshitudi ne bua kuikadila ne ditekemena.” Bala Yeshaya 33:24.

Tshibumba tshia Nsentedi 1 Tshio.

“Bantu badi ne mushindu wa kuenza malu mimpe a bungi, kadi misangu mivule batu anu benza malu mabi. Ukadiku mudiebeje ne: mbua tshinyi anyi? [Lekela muntu andamune.] Tshibejibeji etshi tshidi tshifila diandamuna dia mu Bible. Tshidi kabidi tshiumvuija muikala malu mimpe mua kutshimuna malu mabi bua kashidi.” Bala Lomo 16:20.

Réveillez-vous! Tshio.

“Utuku udiebeja muikala buloba ebu mu bidimu 20 anyi 30 kumpala eku anyi? [Lekela muntu andamune. Pashishe bala Musambu 119:105.] Bible udi ututokeshila njila bua tuetu kujingulula tshikala matuku atshilualua. Tshibejibeji etshi tshidi tshiumvuija milayi idi ileja matuku atudi mpindieu ne bualu budi butusaka bua kutekemena malu mimpe mu matuku atshilualua.”