Mamanyisha

▪ Mikanda ya kufila mu Tshiongo: Mukanda wonso mupatula kumpala kua 1991. Bisumbu bidi kabiyi ne mikanda eyi bidi mua kufila mukanda wa L’humanité à la recherche de Dieu. Luishi: Approchez-vous de Jéhovah. Luabanya: Mukanda mupiamupia wa Bible utu ulongesha tshinyi menemene? Nuenze muenu muonso bua kutuadija kulonga Bible ne bantu.

▪ Bu mudibu benda badiundisha Betele, biro bia filiale bidi ne dijinga dia bana betu ba bungi badi bamanye bimpe malu a nzembu, malu a mâyi, dilongolola mashinyi ne dilongolola frigo. Pikala muanetu wa balume anyi wa bakaji mumanye umue wa ku midimu eyi bimpe ne muikale ne dijinga dia kuenza mudimu ku Betele, udi mua kuambila Komite wa Mudimu wa Tshisumbu tshiabu bua kumanyishaye Betele.

▪ Ngondo muinayi neikale muimpe bua kuenza bumpanda-njila buambuluishi bualu udi ne ma Disambombo atanu ne ma Dia lumingu atanu.

▪ Kubangila mu ngondo muibidi ne katuyi tupita mu dia matuku 5 ngondo muisatu, batangidi ba bijengu nebende ne muyuki udi ne tshiena-bualu ne: “Udi mua kuikala ne ditalala mpindieu ne kashidi.”

▪ Bisumbu bidi ne bua kudilongolola bimpe bua kuenza Tshivulukilu tshidimu etshi mu Disatu dia matuku 12 a ngondo muinayi panyima pa dibuela dia dîba. Nansha mudi muyuki mua kutuadija kumpala kua dîba, diampa ne mvinyo kabiena ne bua kupita kumpala kua dibuela dia dîba to. Nukonkonone dimanyisha didi mu Mudimu wetu wa Bukalenge wa Tshiongo 2004. Dimanyisha adi ndikumbane. Mbimpe tshisumbu tshionso tshienze Tshivulukilu pa watshi muaba nansha mutubi imue misangu bikale bikole. Muaba udi bisumbu bia bungi bisangile Nzubu wa Bukalenge umue, tshimue tshia kudibi anyi bivule, bidi mua kukeba miaba mikuabu ya kudisangishila dilolo adi. Pikalaku mushindu, mbimpe kuanji kupitshisha minite 40 kumpala kua tshisumbu tshikuabu kutuadijatshi, bua bonso bamone mua kuenza Tshivulukilu etshi bimpe. Kasumbu ka bakulu nekasungule tshidi tshimpe bua tshisumbu tshienu.

▪ Misangu yonso inudi nujinga kuenza ngendu ne kubuela mu bisangilu bia tshisumbu, mpuilu anyi mpungilu ya distrike mu ditunga dikuabu, nuenu basue kumanya dituku, dîba ne miaba yenzekelabi, nudi mua kuebeja filiale udi utangila mudimu mu ditunga adi. Adrese ya filiale idi mu dibeji dia ndekelu dia Annuaire wa tshidimu etshi.

▪ Numanye ne: nimero mipiamipia ya Biro bia filiale idi: 081 555 1000. Nimero eyi idi ne mushindu wa kuyikila ne bantu ba bungi musangu umue.