Mamanyisha

▪ Mikanda ya kufila mu Luishi: Approchez-vous de Jéhovah. Luabanya: Netufile mukanda mupiamupia wa Bible utu ulongesha tshinyi menemene? Tuditatshishe bua kubanga kulonga Bible ne bantu. Tshisanga ne Lumungulu: Netufile Tshibumba tshia Nsentedi ne Réveillez-vous! Patudi tupingana bua kutangila bantu bavua banyishe bulelela ne aba bavua babuele mu Tshivulukilu anyi tshikuabu tshisangilu kadi badi kabayi balua mu bisangilu, tukebe bua kubashila mukanda wa Bible utu ulongesha tshinyi menemene? Tuikale ne tshipatshila tshia kutuadija kulonga nabu Bible ne mukanda eu.

▪ Ngondo muinayi mmuimpe bua kuikala mpanda-njila muambuluishi bualu udi ne matuku a Disambombo atanu ne a Dia lumingu atanu.

▪ Muyuki wa patoke wa pa buawu bua tshikondo tshia Tshivulukilu tshia 2006 newikale ne tshiena-bualu tshia: “Nzambi utshidi ne malu onso mu bianza anyi?” Tangila dimanyisha dia muomumue mu Mudimu wetu wa Bukalenge wa Kabitende 2005.

▪ Tshiena-bualu tshia: “Dilonga dilenga dia mukanda wa Bible utu ulongesha tshinyi menemene?” tshidi mu dibeji 6 ntshia kukonkonona mu Tshisangilu tshia Mudimu tshia lumingu lua dia 3 Tshisanga. Ulamaku tshiena-bualu etshi ne programe wa dilonga udimu.

▪ Mutangidi-muludiki anyi mukulu mukuabu wasungulaye neakonkonone konte ya tshisumbu mu dia 1 Luabanya anyi matuku makese kunyima. Binuikala ne tshibutshilu tshikuabu pa bule, bu mudi tshia dilongolola anyi dilama dia Nzubu wa Bukalenge anyi diyibaka, batshikonkonone patshi. Pajika dikonkonona dia konte edi, numanyishe tshisumbu mu luapolo lua konte lualonda.

▪ Sekretere ne mutangidi wa mudimu nebakonkonone mudimu wa bampanda-njila ba pa tshibidilu bonso. Pikala bamue ba kudibu ne lutatu lua kukumbaja mêba, bakulu nebakebe mushindu udibu mua kubambuluisha. Nudi mua kupeta ngenyi mikuabu mu mikanda ya S-201 itubu banutumina ku tshidimu tshionso.