Diambulula dia mu Kalasa ka Mudimu wa Nzambi

Nkonko idi ilonda eyi nya kuenza nayi diambulula mu Kalasa ka Mudimu wa Nzambi mu lumingu luatuadija mu dia 27 Luishi 2006. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 2 Tshiongo too ne mu dia 27 Luishi 2006. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Mmunyi mudi Kalasa ka Mudimu wa Nzambi katuambuluisha bua ‘kufila kudi Nzambi mulambu wa kumutumbisha nawu ne kujikula ditabuja dia dîna diende’? (Eb. 13:15) [be dib. 5 tshik. 3–dib. 6 tshik. 1]

2. Bua tshinyi tudi ne bua kuenza muetu muonso bua kubala malu bimpe? [be dib. 83 tshik. 1–dib. 84 tshik. 1]

3. Bua tshinyi kupatula miaku miumvuike kudi ne mushinga patudi tuakula anyi tulongesha? [be dib. 86 tshik. 1-6]

4. Bua tshinyi nshindumuinu mujalame udi ne mushinga, ne mmalu kayi atudi ne bua kumanya? [be dib. 89 tshik. 1–dib. 90 tshik. 3, kazubu]

5. Ngamue malu kayi adi mua kutuambuluisha bua kuikala ne ngakuilu mupepele? [be dib. 94 tshik. 4-5, kazubu]

MUDIMU NO. 1

6. Mmunyi mudi 2 Kulondolola 36:17-23 ujadika mudi milayi ya mu Bible ikumbana? [si-F dib. 85 tshik. 35]

7. Mmalu kayi akenzeka akambuluisha bena Yuda bua kupinganabu mu ditunga diabu mu 537 K.B.B. bua kuibakulula nzubu wa Yehowa? [si-F dib. 85 tshik. 1–dib. 86 tshik. 3]

8. Mmunyi mudi mukanda wa Ezela ubingisha Yehowa uleja mudiye Nzambi mulelela wa kueyemena? [si-F dib. 87 tshik. 14, dib. 88 tshik. 18]

9. Bua tshinyi ‘tshidimu tshia makumi abidi tshia bukokeshi bua mukalenge Atashasete’ tshidi ne mushinga mu dilondolola dia malu a mu Bible? (Neh. 2:1, 5, 6, 11, 17, 18) [si-F dib. 88 tshik. 2, dib. 89 tshik. 5]

10. Nku tshinyi kudi Nehemiya muikale tshilejilu tshimpe bua batendeledi ba Nzambi lelu’eu? [si-F dib. 91 tshik. 16-17]

DIBALA DIA BIBLE DIA KU LUMINGU LUONSO

11. Ulima ne Tumima (bintu bivuabu benza nabi mudimu bua kumanya diandamuna dia Yehowa) bivuaku pakapingana bena tshimuangi ku Yelushalema anyi? (Ezela 2:61-63)

12. Bua tshinyi bena Yuda ba bungi bavua basombele mu Babulona bakabenga bua kupingana ne Ezela ku Yelushalema? (Eze. 7:28–8:20)

13. Mmunyi muvuabu mua kuenza mudimu wa dibakulula lumbu lua Yelushalema ne tshianza anu tshimue? (Neh. 4:17, 18)

14. Nansha muvuabu ne tshibidilu tshia kukangila mikanda ya malu masokome mu bibombi, bua tshinyi Sanebalata wakatumina Nehemiya “mukanda mubulula”? (Neh. 6:5)

15. Pa kumbusha ‘ditandisha’ divua Nehemiya mutandishe bena Yuda bavua benzulula malu mabi bu muakatandishaye bakokeshi ne baminyampala kumpala, mmanyoka kayi makuabu akafilaye? (Neh. 13:25, 28)