Malu a kuvuluka bua Tshivulukilu

Tshivulukilu tshia tshidimu etshi netshienzeke mu Disatu dia matuku 12 a ngondo muinayi. Bakulu badi ne bua kutangila malu adi alonda aa:

▪ Panudi nusungula dîba diatuadija tshisangilu etshi, nuamanya bua kanupitshishi mampa ne mvinyo kumpala kua dîba kadiyi dianji kubuela.

▪ Muntu yonso, kabidi ne muanetu wenza muyuki, udi ne bua kumanya dîba ne muaba wenzekela Tshivulukilu.

▪ Nudi ne bua kukeba mampa ne mvinyo bidi biakanyine ne kuikala nabi pabuipi dituku adi.​—Balayi Tshibumba tshia Nsentedi tshia dia 15 Luishi 2003, dibeji dia 14-15.

▪ Malongo ne vere ne mêsa ne tshilamba tshia kubuikilapu tshimpe badi ne bua kuya muaba wenzekela Tshivulukilu ne kubiteka pa muaba wabi kumpala kua dîba.

▪ Nudianjile kuakaja Nzubu wa Bukalenge anyi muaba mukuabu unuenzela tshisangilu etshi.

▪ Nudianjile kusungula bakididianganyi ne bana betu bendesha mampa ne mvinyo ne nubaleje mua kuenza midimu yabu eyi bimpe; badi ne bua kuvuala bilenga ne kukosesha nsuki yabu bimpe.

▪ Nuvuluke bua kutuadila muela manyi yonso udi kayi ne mushindu wa kufika mu Tshivulukilu diampa ne mvinyo.

▪ Padi bisumbu bia bungi bienzela Tshivulukilu mu Nzubu wa Bukalenge umue, bidi ne bua kumvuangana bimpe bua ne bantu kabunguidi patupu mu mishiku ya mbelu, mu njila anyi muaba wa dimanyikila mashinyi, mioto anyi makalu.