Mamanyisha

▪ Mikanda ya kufila mu Luabanya: Netufile mukanda wetu mupiamupia wa Bible utu ulongesha tshinyi menemene? Tuditatshishe bua kubanga kulonga Bible ne bantu. Tshisanga ne Lumungulu: Netufile Tshibumba tshia Nsentedi ne Réveillez-vous! Patudi tupingana bua kutangila bantu batuvua bayukile nabu ne aba bavua babuele mu Tshivulukilu anyi tshikuabu tshisangilu kadi badi kabayi banji kutuadija kulua mu bisangilu, tukebe bua kubashila mukanda wa Bible utu ulongesha tshinyi menemene? ne tshipatshila tshia kutuadija kulonga nabu Bible ne mukanda eu. Kabalashipu: Netufile mukanda wa Longa malu kudi Mulongeshi munene. Muntu yeye muambe ne: tshiena ne bana, nudi mua kumupesha mukanda wa Nsapi wa disanka mu dîku.

▪ Ngondo muinayi mmuimpe bua kuikala mpanda-njila muambuluishi bualu udi ne matuku a Disambombo atanu ne a Dia lumingu atanu.

▪ Tshivulukilu netshienzeke tshidimu etshi mu Disatu dia matuku 12 a ngondo muinayi. Tshisumbu tshienu tshiotshi ne bisangilu mu Disatu, mbimpe nubienze dinga dituku lumingu alu padi tshikuabu tshisumbu katshiyi ne bisangilu. Koku kakuyi mushindu ne binupangisha bua kuenza Tshisangilu tshia Mudimu tshia lumingu alu, tshitupa tshidi ne malu adi makanyine tshisumbu tshienu nudi mua kutshiela mu tshikuabu Tshisangilu tshia Mudimu.

▪ Bisumbu bidi ne bua kupesha bana betu bibejibeji bia Tshibumba tshia Nsentedi ne Réveillez-vous! diakamue anu padibi bifika bua bamanyishi badianjile kumanya malu adimu bangabanga ne kubifilabu kudi bantu. Mudimu wetu wa Bukalenge ngua kufila pawu diakamue padiwu ufika. Nudi nansha mua kubifidila mu tusumbu tua dilonga dia mukanda.

▪ Netukonkonone bande wa video wa: Noé: il marchait avec Dieu mu Tshisangilu tshimue tshia Mudimu tshia ngondo muitanu. Nuenu dijinga ne bande eu nudi mua kumulombela mu tshisumbu tshienu kumpala kua dîba.

▪ Biro bia filiale kabitu bitaba bua kutumina bamanyishi mikanda idibu badilombele nkayabu to. Mutangidi-muludiki udi ne bua kuenzeja dimanyisha ngondo yonso kumpala kua kutumabu komande wa mikanda ku Betele bua bonso badi bakeba bintu kampanda badianjile kumanyisha muanetu udi utangila malu a mikanda. Kadi nuvuluke bua bintu bitubu banutumina anu ku dilomba dia pa buadi.

▪ Kalasa ka bampanda-njila ka musangu walua nekenzeke munkatshi mua matuku 10 mu lumingu lua kunyima kua mpungilu wa distrike. Nekatuadije mu Ditanu too ne mu Dia lumingu mu tshimenga tshienzekela mpungilu. Netuenze mudimu ne mukanda wetu mu mupiamupia wa mu Mfualansa, mu Mangala, mu Tshisawudi ne mu Tshiluba. Bampanda-njila ba pa tshibidilu badi kabayi banji kubuela mu kalasa aka ne bavua balue bampanda-njila kumpala anyi kubangila mu dia 1 ngondo wa 8 tshidimu tshia 2005 ke babuelamu. Bakuabu bakavua babuelemu kumpala, ne mpindieu bakadi benze mudimu eu kukadi bidimu 15 anyi kupita apu, nebabuelemu pabu. Mpanda-njila yonso neapete mukanda wa dimumanyisha nawu bualu ebu.