Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Luab.

“Meme ne wewe si tukadiku dimue dituku bafuishe mulela anyi mulunda, ki mmuomu? Utuku mamanye bualu buimpe budibu bamba ebu anyi? [Bala Bienzedi 24:15. Pashishe lekela muntu andamune.] Bantu ba bungi batu bakeba bua kumanya muntu wabishabu ku lufu, dîba diamubishabu ne muaba wamubishilabu. Tshibejibeji etshi tshidi tshileja tshidi Bible wamba bua malu aa.”

Réveillez-vous! Luab.

“Bantu ba bungi batu bamba ne: Yezu ke Nzambi. Kadi mona tshilumbu, Petelo uvua mulongi wa Yezu wakamba yeye ne: Yezu m’Muana wa Nzambi. [Bala Matayo 16:16.] Kadi udi wela meji ne: Yezu udi mua kuikala eku Nzambi eku Muana wa Nzambi anyi? [Lekela muntu andamune.] Tshiena-bualu tshidi mu dibeji dia 12-13 tshidi tshileja tshidi Bible wamba bua malu aa.”

Tshibumba tshia Nsentedi 1 Tshis.

“Mêyi a mu Bible aa adi bantu ba bungi bamanye adi aleja bua tshinyi mbimpe kumanya Nzambi menemene. [Bala Matayo 4:4.] Kadi, bitu bikolele bantu ba bungi bua kumvua Dîyi dia Nzambi. Wewe pebe bitu bikukolela anyi? [Lekela muntu andamune.] Mibelu idi mu tshibejibeji etshi idi mua kukuambuluisha bua kumvua Bible.”

Réveillez-vous! Tshis.

“Bantu ba bungi batu benza muabu muonso bua kuikala ne disanka, kadi bakese patupu ke batu bamueneka ne: batu nadi. Udi wela meji ne: mibelu eyi idi mua kuambuluisha bantu bua kuikala ne disanka anyi? [Leja kazubu kadi mu dibeji dia 9. Pashishe bala mvese umue wa ku idimu.] Tshibejibeji tshia Réveillez-vous! etshi tshidi ne mibelu idi Bible ufila pa mushindu wa kupeta disanka dilelela.”