Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 24 Tshisanga 2006. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 6 Luabanya too ne mu lua dia 24 Tshisanga 2006. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Bua tshinyi tudi ne bua kuanji kupuwa kakese misangu yonso itudi basue kushintulula ngenyi patudi tulongesha, ne ntshinyi tshidi mua kutuambuluisha bua kuenza nanku? [be dib. 98 tshik. 3-4]

2. Bua tshinyi bidi ne mushinga bua tuetu kuikala tumina mata patudi tuyisha? [be dib. 99 tshik. 5–dib. 100 tshik. 4]

3. Bua tshinyi kushindika miaku bimpe kudi ne mushinga patudi tuenza muyuki, ne mmunyi mutudi mua kufika ku dishindika miaku bimpe? [be dib. 101 tshik. 1-5, kazubu]

4. Mmunyi mutudi mua kujadika ne: tudi bashindike ngenyi minene patudi tubala kumpala kua bantu ba bungi? [be dib. 105 tshik. 1-6]

5. Bua tshinyi dîyi dikumbane didi ne mushinga patudi tulongesha, ne mmushindu kayi utudi mua kumanya ne: dîyi dietu ndikumbane? [be dib. 107-108]

MUDIMU NO. 1

6. Mmunyi mudi nsombelu wa bena Kristo lelu mufuanangane ne wa Esetê ne Môdekai, ne mmunyi mutudi mua kulonda tshilejilu tshiabu? [si-F dib. 94 tshik. 17]

7. Ntshinyi tshivua Solomo musue kuamba pakambaye ne: ‘Malu onso akadi patupu bu kuipata kua lupepele?’ (Muam. 2:11) [w04 15/10 dib. 4 tshik. 3-4]

8. Mmunyi mutudi mua kufika ku dinanga Nzambi? (Mâko 12:30) [w04 1/3 dib. 19-21]

9. Ndishilangana kayi didi pankatshi pa malu a mu nyuma ne bintu bia ku mubidi? [w04 15/10 dib. 5-7]

10. Ntshinyi tshidi mua kutuambuluisha bua kuteleja bimpe patudi mu mpuilu ne mpungilu? [be dib. 15-16]

DIBALA DIA BIBLE DIA KU LUMINGU LUONSO

11. Bua tshinyi bakabuikila mutu wa Hamana tshilulu? (Esetê 7:8)

12. Nnyuma wa mushindu kayi uvua mufikishe Elifaza ku dikala ne ngelelu wa meji uvuaye nende au? (Yobo 4:15, 16) [w05 15/9 dib. 26 tshik. 2]

13. Mêyi adi mu Yobo 7:9, 10 ne adi mu Yobo 10:21 adiku aleja muvua Yobo kayi witaba ne: bafue nebabike anyi?

14. Ntshinyi tshivua Yobo musue kuamba pakambaye ne: ‘Ngakupanduka anu ne nyama ya mu menu’? (Yobo 19:20)

15. Yobo uvua musue kuamba tshinyi pakambaye ne: ‘Tshiena ngitabuja bua mutshima wanyi mutoke umuke kundi,’ ne ebi bidi bitupesha dilongesha kayi? (Yobo 27:5)