Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 26 Kabalashipu 2006. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 1 Lumungulu too ne mu lua dia 26 Kabalashipu 2006. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Mmushindu kayi utudi mua kushintulula dîyi, ne bua tshinyi ngikadilu eu udi ne mushinga? [be dib. 111, tuzubu]

2. Mmushindu kayi utudi mua kushintulula lubilu lua dîyi patudi tuenza muyuki? [be dib. 112 tshik. 3-dib. 113 tshik. 1, kazubu]

3. Mmunyi mutudi mua kupeta musangelu bua muyuki utudi tuenza, ne bua tshinyi ngikadilu eu udi ne mushinga? [be dib. 115 tshik. 1–dib. 116 tshik. 2, tuzubu]

4. Patudi tulongesha bantu bakuabu, bua tshinyi kuakula ne bulenga kudi ne mushinga, ne ntshinyi tshidi mua kutuambuluisha bua kuleja ngikadilu eu? [be dib. 118 tshik. 2–dib. 119 tshik. 5]

5. Bua tshinyi dienza jeste ne dishintulula tshilunji tshia mpala bidi ne mushinga mu diyukidilangana? (Mat. 12:48, 49) [be dib. 121, tuzubu]

MUDIMU NO. 1

6. Mmunyi mudi mukanda wa Yobo utumbisha Yehowa ne uleja bimpe mêyi ende makane? [si-F dib. 100 tshik. 39, 41]

7. Ntshinyi tshidi tshijadika bujalame bua mukanda wa Misambu? [si-F dib. 103 tshik. 10-11]

8. Umvuija tshidi Nsumuinu 13:16 usua kuamba padiye wakula bua muntu mudimuke. [w04 15/7 dib. 28 tshik. 3-4]

9. Mmushindu kayi udi nyuma muimpe utuambuluisha, ne kumanya bualu ebu kudi mua kutusaka bua kuenza tshinyi? (Yone 14:25, 26) [be dib. 19 tshik. 2-3]

10. Mmu ngumvuilu kayi mualabale mudi Yezu ulua, ne uvua wakuila ‘dilua’ kayi bilondeshile mêyi ende adi mu Matayo 16:28? [w04 1/3 dib. 16, kazubu]

DIBALA DIA BIBLE DIA KU LUMINGU LUONSO

11. Diandamuna didi Yobo wandamuna Yehowa didi mu Yobo 42:1-6 didi ditulongesha tshinyi?

12. ‘Mmeji a malu a patupu’ kayi adi bisamba bia bende bipangadija? (Mus. 2:1, 2)

13. Mbishimikidi bia nzubu kayi bidibu bashimbula? (Mus. 11:3)

14. Mmunyi mudibu bafuta muntu udi wenza malu a diambu “difutu didi dikumbana”? (Mus. 31:23)

15. Ndikankamija kayi ditudi mua kupetela mu Musambu wa 40 didi mua kutuambuluisha bua kukandamena malu mabi a mubidi wetu wa butekete ne ntatu kabukabu idi pa buloba apa? (Mus. 40:1, 2, 5, 12)