Réveillez-vous! wa pa buende utuafila mu ngondo wa tshitema
1 Bantu ba bungi batu basue kumvua miadi ya tunyunyi ne kumona mutu dîba dibuela. Kadi bavule kabatu bitaba ne: Tatu wa dinanga udi mu diulu ke udi mufuke bintu ebi to. Mushindu muimpe utudi mua kuleja bantu ne: Yehowa ke udi mufuke bintu bionso ebi ngua kuabanya Réveillez-vous! eu wa pa buende. (Yesh. 40:28; 43:10) Réveillez-vous! wa ngondo wa Kabitende mujima neikale ne tshiena-bualu tshia ne: ‘Kudiku Mufuki wa bionso anyi?’
2 Mu teritware: Paudi ne mushindu, udilongolole bua kufila bibejibeji ebi panudi nuyisha ne tshisumbu ku nzubu ne ku nzubu mu Disambombo dionso. Nansha nanku udi kabidi mua kufila nimero eu misangu yonso iudi upeta mpunga munkatshi mua lumingu. Réveillez-vous! eu neasankishe nangananga balongeshi ne balombodi bakuabu ba malu a tulasa. Nunku wenze muebe muonso bua kumupesha bantu ba mushindu eu badi mu teritware webe.
3 Paudi umona ne: muntu mmuanyishe binudi nuyukila nende, mushila lukonko luwalua kuandamuna musangu udi kumpala. Tshilejilu, udi mua kumuebeja ne: Bikala Nzambi mutunange, bua tshinyi mmulekele makenga bungi nunku? Pashishe paudi upingana, yukilayi malu adi mu nshapita wa 1 anyi wa 11 mu mukanda wa Bible ulongesha. Udi kabidi mua kuela lukonko lua kumanya tshidi Nzambi mufukile buloba ne kulua kuyukila nende mu nshapita 3 paudi upingana.
4 Mu tulasa: Biwikala mulongi, kuenaku mua kutuadila balongeshi benu ne balongi nebe Réveillez-vous! eu anyi? Wewe mumuteke anu pa tshibasa tshienu mu kalasa, neafikishe bantu ku dikuela nkonko ya bungi. Udi mua kupeta kabidi mushindu wa kuambila bantu malu adimu panudi nuyukila mu kalasa anyi padibu banulomba bua kuenza diteta dia kudifundila bualu. Bua kukuambuluisha, mbele tshiena-bualu tshia “Les jeunes s’interrogent. . . ” tshidi tshiamba ne: ‘Mmunyi mundi mua kujadikila bakuabu ne: bintu bionso ebi bidi ne udi mubifuke?’
5 Pa kumona bintu bidi Yehowa mufuke, mmuakanyine butumbi ne bunême. (Buak. 4:11) Netutumbishe Mufuki wetu ne kuambuluisha bakuabu bua kumutumbisha pabu tuetu tufila Réveillez-vous! wa ngondo wa tshitema eu ne disanka dionso.