Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshim.

“Ndi musue kumanya muudi wela meji bua bualu buvua Yezu muambe ebu. [Bala Matayo 5:5.] Udi wela meji ne: penzeka bualu ebu malu neikale pa buloba bu mudiwu lelu anyi? [Lekela muntu andamune.] Tshibejibeji etshi tshidi tshileja tshidi Bible wamba bua mushindu wakudimuna Yezu buloba. Tshidi kabidi tshileja bantu bikala mua kupiana buloba.”

Réveillez-vous! Tshim.

“Udi wela meji bishi: netumonaku kabidi balela ne balunda betu bakadi bafue anyi? [Lekela muntu andamune.] Mona tshivua Yezu mulaye bua bantu bafue. [Bala Yone 5:28, 29.] Tshiena-bualu etshi tshidi tshiumvuija tshidi Bible wamba bua tshidi tshitufikila patudi tufua.” Ubulule mu tshiena-bualu tshidi mu dibeji dia 28.

Tshibumba tshia Nsentedi 1 Kabit.

“Bantu ba bungi lelu ki mbanange malu a Nzambi bikole to. Udi wela meji ne: kulua muena Nzambi kudi kuvuija muntu muntu muimpe anyi? [Lekela muntu andamune.] Tangila tshikavua Bible muleje bua tshikala bamue bantu ne bua kukeba mu bitendelelu mu matuku a ku nshikidilu. [Bala 2 Timote 4:3, 4.] Tshibejibeji etshi tshidi tshileja mudi ntendelelu mulelela ne bua kutumbisha Nzambi ne kutuambuluisha.”

Réveillez-vous! Kabit.

“Bantu ba bungi batu badiebeja bikala bena mamanya a panu mua kuitaba ne: Nzambi utuku? [Lekela muntu andamune. Pashishe bala Ebelu 3:4.] Réveillez-vous! eu udi umvuija malu adi mafikishe bamue ba ku bena mamanya a panu aba ku ditaba ne: bintu bionso ebi bidi ne Mufuki wabi”