Mamanyisha

▪ Mikanda ya kufila mu Tshiongo 2007: Mikanda yonso ya mabeji 192 ivuabu bapatule kumpala kua tshidimu tshia 1991. Bikala tshisumbu tshienu katshiyi ne mikanda eyi, nufile mukanda wa Dimanya anyi broshire wa Nushale anu batabale! Luishi 2007: Netufile mukanda wa Approchez-vous de Jéhovah. Pikala tshisumbu tshienu katshiyi ne mukanda eu, nudi mua kufila mukanda wa Dimanya anyi mukanda mukuabu wa kale udi mu stoke. Luabanya 2007: Mukanda wa Bible ulongesha, netuenze muetu muonso bua kutuadija kulonga Bible ne bantu ne mukanda eu.

▪ Kubangila mu ngondo muibidi, katuyi tupita mu dia matuku 4 a ngondo muisatu, muyuki mupiamupia wa mudimu wenza batangidi ba bijengu udi ne tshiena-bualu ne: “Wabuela mu bulongolodi bupiabupia bua Nzambi nnganyi?”

▪ Mu tshimue tshia ku Bisangilu bia Mudimu bia ngondo muinayi, netukonkonone bande wa video wa Les jeunes s’interrogent . . . Que vais-je faire de ma vie? Panuikala nende dijinga, tuadijayi kumulomba mu komande wa tshisumbu.

▪ Bisumbu bidi ne bua kudilongolola bua kuenza Tshivulukilu tshia tshidimu etshi mu Dimue dia matuku 2 a ngondo muinayi panyima pa dibuela dia dîba. Kadi ki mmu Dibidi dia matuku 3 a ngondo muinayi bu mudibu bafunde mu Tukonkononayi wa 2007 mu Mangala to, to... Nansha mudi muyuki mua kutuadija kumpala kua dîba, kanuena mua kupitshisha mampa ne mvinyo kumpala kua dibuela dia dîba to. Nukonkonone bimpe bua kumanya tshikondo tshidi dîba dibuela muaba unudi. Mbimpe tshisumbu tshionso tshienze Tshivulukilu pa watshi muaba nansha mutubi imue misangu bikale bikole. Muaba udi bisumbu bia bungi bisangile Nzubu wa Bukalenge umue, tshimue tshia kudibi anyi bivule, bidi mua kukeba miaba mikuabu ya kudisangishila dilolo adi. Pikalaku mushindu, mbimpe kuanji kupitshisha minite yoyi mikese 40 kumpala kua tshisumbu tshikuabu kutuadijatshi Tshivulukilu bua bonso bamone mua kutshienza bimpe. Mbimpe nutangile kabidi bualu bua miaba ya badi ne mashinyi kupitshila anyi kuimanyikila, ne bua dîba dia kutululabu bantu anyi kubambula bua kupingana. Kasumbu ka bakulu nekasungule tshidi tshimpe bua tshisumbu tshienu.

▪ Sekretere wa tshisumbu tshionso atangile ni badi ne mukanda uvua Biro bibatumine (S-202) bua muanetu yonso udibu bateke mpanda-njila mu tshisumbu tshiabu. Pikalabu kabayi nawu, badi ne bua kufundila biro bua kubimanyisha.

▪ Nebatumine bisumbu bionso bia mu ditunga dietu edi tukanda tua Tukonkononayi Mifundu dituku dionso​—2007 kakuyi malu a dienza komande (S-14) wa ditulomba to. Nenupete tukanda etu bungi bumue ne bua Mudimu wetu wa Bukalenge bunutu nupeta. Kadi bikala tshisumbu tshienu tshimane kulomba tukanda etu mu komande wa dilomba dia mikanda (S-14) bu mutuvua baleje mu Mamanyisha a mu Mudimu wetu wa Bukalenge wa ngondo wa muanda mukulu 2006, tshibambalu tshidi tshitangila malu a mikanda netshinutumine tukanda etu bilondeshile bungi bunuvua balombe.