Mamanyisha

▪ Mikanda ya kufila mu Luishi: Mukanda wa Approchez-vous de Jéhovah. Nuenu kanuyi ne mukanda eu mu tshisumbu tshienu, nudi mua kufila mukanda wa Dimanya anyi mikanda mikuabu ya kale inudi nayi mu stoke. Luabanya: Mukanda wa Bible ulongesha. Netuenze muetu muonso bua kutuadija kulonga Bible ne bantu. Tshisanga ne Lumungulu: Tshibumba tshia Nsentedi ne Réveillez-vous! Patudi tupinganyina bantu bavua batuakidile bimpe pamue ne batu babuela mu Tshivulukilu anyi mu bisangilu bietu bikuabu binene kadi kabayi batamba kubuela mu bisangilu bikuabu bia tshisumbu, tubapeshe mukanda wa Bible ulongesha bua kumona mua kutuadija kulonga nabu Bible. Kabalashipu: Mukanda wa Créateur anyi wa Nsapi wa disanka mu dîku.

▪ Tshibumba tshia Nsentedi tshia 15 Luabanya netshikale ne tshiena-bualu etshi: “Ntshinyi tshiudi umvua bua Dilua dia Kristo?” Pa kumona mushinga udi nawu tshiena-bualu etshi, nebasakidile bia pa lukama 15 ku bungi bua bibejibeji ebi butu tshisumbu tshionso tshipeta kuonso eku.

▪ Sekretere ne mutangidi wa mudimu badi ne bua kukonkonona mudimu wa bampanda-njila ba pa tshibidilu bonso. Pikala bamue ba kudibu ne lutatu lua kukumbaja mêba adibu ne bua kufila, nukebe mushindu wa kubambuluisha. Nudi mua kupeta ngenyi mikuabu mu mukanda wa S-201 utubu batumina bisumbu ku tshidimu tshionso.

▪ Muyuki wa pa buawu wa patoke wa tshikondo tshia Tshivulukilu tshia 2007 newikale ne tshiena-bualu ne: “Udi mua kusomba mu ditalala nansha mudiku bimvundu lelu.” Tangila dimanyisha dikuabu mu Mudimu wetu wa Bukalenge wa Kasuamansense 2006.