Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 26 Luishi 2007. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua 1 Tshiongo too ne mu lua dia 26 Luishi 2007. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Ndîba kayi ditudi mua kuleja dikuatshisha didi nadi malu a muyuki wetu? Mmunyi mutudi mua kuenza bualu ebu? [be dib. 158 tshik. 2-4]

2. Bua tshinyi mbimpe kuambuluisha bakuabu bua bamone mushinga udi nawu malu atudi tubambila? Mmunyi mutudi mua kubalejawu? [be dib. 159 tshik. 3-4]

3. Disungula dia miaku didi ne mushinga bua tshinyi? [be dib. 160]

4. Tshidi mua kutuambuluisha ntshinyi bua kuakula ne miaku mishilangane ne mijalame kabidi? [be dib. 161 tshik. 5-6; dib. 162 tshik. 1; dib. 163 tshik. 1]

5. Tela amue malu mimpe atudi tupeta patudi tuenza mudimu ne plan mukuata mu mutu anyi mufunda. [be dib. 166 tshik. 1-3]

MUDIMU NO. 1

6. Tudi ne bua kuenza tshinyi patudi tudilongolola bua kuenza mudimu wa dibala? [be dib. 43 tshik. 2, 4]

7. Tshidi mua kutuambuluisha ntshinyi bua kunanga malu mimpe ne kukina malu mabi? (Eb. 5:14) [w05 1/1 dib. 9 tshik. 11]

8. Tudi ne bua kuvuluka tshinyi patudi tubala bualu kampanda mu Bible budi kabuyi bututuisha ne: Yehowa wakabuenza mu mushindu mujalame anyi muakane? [w05 1/2 dib. 24 tshik. 7]

9. Padi malu adi bantu batulomba abengangana ne mikenji ya Nzambi, netuenze tshinyi? [w05 15/4 dib. 12 tshik. 9]

10. Mmunyi mudi Yeshaya wakula bua Bukalenge bua Masiya ne bua Yone Mubatiji? [si-F dib. 123 tshik. 35]

DIBALA DIA BIBLE DIA KU LUMINGU LUONSO

11. Bilondeshile Yeshaya 25:7, ‘tshilulu tshikudika tshidi tshibuikila pa mitu ya bantu bonso,’ ne ‘tshibuikilu tshidi tshiadija pa mutu pa bisamba bionso’ ntshinyi?

12. Mmunyi mudi bantu mua ‘kumona’ Yehowa ne ‘kumvua’ dîyi diende? (Yesh. 30:20, 21)

13. Bulelela anyi dishima: Mu Yeshaya 38:3, Hezikiya uvua muenze disambila edi anu bualu uvua musue kulala matuku a bungi pa buloba.

14. Mmunyi muvua bena Isalele mua kuikala bantemu ba Yehowa? Mmunyi mutudi petu mua kubidikija? (Yesh. 43:10)

15. Bilondeshile Yeshaya 52:11, 12, bidi bikengela tshinyi bua ‘kutuala malonga a Yehowa’?