Diambulula dia mu Kalasa ka Mudimu wa Nzambi
Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija mu dia 30 Tshisanga 2007. Mutangidi wa kalasa neenzeje diambulula edi mu minite 30 bilondeshile malu avuabu balongeshe mu kalasa kubangila mu lumingu lua dia 5 Luabanya too ne mu lua dia 30 Tshisanga 2007. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebeladi mu mikanda yetu.—Tangila mukanda wa Kalasa ka mudimu, dib. 36-37.]
NGIKADILU YA BUNGAMBA-MALU
1. Mmunyi muudi mua kuenza plan wa muyuki mupepele? [be dib. 168 tshik. 4]
2. Tela mishindu inayi itudi mua kuamba malu malondangane bimpe. [be dib. 170 tshik. 3–dib. 172 tshik. 4]
3. Ntshinyi tshidi mua kutuleja malu atudi mua kusungula bua kuamba mu muyuki wetu? [be dib. 173 tshik. 1-2]
4. Tela amue malu mimpe adi kuakula kuyi ubala malu onso pa dibeji kupetesha. [be dib. 175 tshik. 3-5]
5. Bua tshinyi kuakula bu udi uyukila ne bantu nkuimpe? Mmunyi mutudi mua kufika ku diakula nunku? [be dib. 179 tshik. 4; kazubu dib. 180]
MUDIMU NO. 1
6. Mmunyi mudi muanetu udibu bapeshe mudimu wa malu manene a mu dibala dia Bible ne bua kudilongolola? [be dib. 47 tshik. 3-4]
7. Mulambu wa Kristo mmuenze bualu kayi bua mushinga mutambe bukole kupita masanka adiwu utupetesha? [w05 1/11 dib. 14 tshik. 1]
8. Mmunyi mutudi mua kuenza mudimu ne mvese idibu bafile mu plan wa muyuki wa patoke? [be dib. 53 tshik. 1-2]
9. Ntshinyi tshivua Yezu wipatshila pavuaye ulongesha? Kadi mmunyi mutudi mua kumuidikija? [be dib. 57 tshik. 1]
10. Bua tshinyi kusunguluja malu kudi ne mushinga patudi tulongesha? [be dib. 57 tshik. 3-4]
DIBALA DIA BIBLE DIA KU LUMINGU LUONSO
11. Mmunyi mutudi mua kudienzeja bua kutumikila mubelu udi mu Yelemiya 6:16 wa kuendela mu ‘njila ya diambedi mudi njila muimpe’ mpindieu?
12. Bua tshinyi Yehowa wakasungula kasongo nyunyi bu tshintu tshia kulongesha natshi bena Yuda bavua bamutombokele? Bualu ebu budi butulongesha tshinyi? (Yel. 8:7)
13. Mmunyi mudi Yelemiya 15:17 mua kutuambuluisha patudi basue kujikija lutetuku lelu eu?
14. Mmunyi mudi bantu benze anu bu dima mu bianza bia Mufumbi Munene Yehowa? (Yel. 18:5-11)
15. Dilondangana dia bisamba bidibu batele mu Yelemiya 25:17-26 didi ne diumvuija kayi kutudi mu matuku etu aa?