Mamanyisha

▪ Mikanda ya kufila mu Tshisanga ne Lumungulu: Tshibumba tshia Nsentedi ne Réveillez-vous! Patudi tupingana bua kutangila bantu bavua bitabe bua tuetu kuyukila nabu ne bavua babuele mu Tshivulukilu, anyi mu tshisangilu tshikuabu tshia ku bitutu tuenza ku tshidimu tshionso kadi kabayi babuela mu bisangilu bia tshisumbu, tuenzayi muetu muonso bua kutuadija kulonga nabu ne mukanda wa Bible ulongesha. Kabalashipu: Mukanda wa Créateur anyi wa Nsapi wa disanka mu dîku.

▪ Kutuadijila mu ngondo muinayi wa tshidimu etshi, nebatume tumanyinu tua mpungilu wetu wa distrike mu mikanda ya tshisumbu tshionso. Kanutulombi to. Pikala tshisumbu ne dijinga dia tumanyinu tukuabu, nutulombe mu formilere wa dilomba nende mikanda (S-14). Nudi kabidi mua kulomba tuzubu tua kuela tumanyinu etu bua muntu yonso udi natu dijinga mu tshisumbu tshienu.

▪ Basekretere ba bisumbu badi ne bua kuikala ne bungi bukumbane bua formilere ya Dilomba bua mudimu wa bampanda-njila ba pa tshibidilu (S-205) ne ya Dilomba bua mudimu wa bampanda-njila bambuluishi (S-205b). Formilere wa S-205b nudi mua kumulomba mu dibeji dia dilomba nadi mikanda (S-14). Nuikale nulama formilere bungi budi mua kukumbana bua tshidimu tshijima. Kumpala kua nuenu kutumina biro formilere wa S-205, nuikale bajadike ne: formilere au mmuuja bimpe menemene.

▪ Biro bidi ne bua kuikala bimanye adrese ne nimero ya telefone ya batangidi-baludiki ne ya basekretere ba bisumbu bionso. Nunku misangu yonso idi mutangidi–muludiki anyi sekretere ushintulula adrese anyi nimero yende ya telefone, Komite wa Mudimu wa Tshisumbu udi ne bua kuuja formilere wa Changement d’adresse du surveillant-président/​secrétaire (S-29) ne kumutumina biro ne lukasa.