Mamanyisha

▪ Mikanda ya kufila mu Lumungulu: Tshibumba tshia Nsentedi ne Réveillez-vous! Patudi tuya kutangila bantu bavua batuakidile bimpe ne aba bavua babuele mu tshisangilu tshietu tshikuabu tshinene kadi kabayi babuela mu bisangilu bikuabu bia tshisumbu, tudienzeje bua kutuadija kulonga nabu ne mukanda wa Bible ulongesha. Kabalashipu: Mukanda wa Créateur anyi wa Nsapi wa disanka mu dîku. Kashipu ne Tshimungu: Broshire yonso wa mabeji 32 wa ku idi ilonda eyi: Bukalenge bualua kuasa Mparadizu, Connaîtrons-nous un jour un monde sans guerre?, Ikalayi ne muoyo wa kashidi ne disanka pa buloba!, Le nom divin qui demeure à jamais, “Monayi, ndi mvuija bintu bionso bipiabipia,” Nos problèmes​—Qui nous aidera à les résoudre?, Ntshinyi tshidi tshitufikila patudi tufua?, Nushale anu batabale!, Nzambi utuku uditatshisha bua bualu buetu anyi?, Padi muntu uudi munange ufua, Quel est le but de la vie? Comment le découvrir?, Spiritu ya bafue​—Idi mua kukuambuluisha anyi kukuenzela bibi? Ituku menemene anyi?, Tudi ne bua kuitabuja Busatu Bunsanto anyi?, Ukadi mu njila wa muoyo wa tshiendelele anyi?, Une vie pleinement satisfaisante: Comment? ne Un livre pour tous.

▪ Dipatuka dia karte ka DPA mu 2006 ndituambuluishe bua kupeta mukanda udi muakanyine ngondapilu utudi basue. Tshisakidila tshia Mudimu wetu wa Bukalenge wa Kasuamansense 2006 ntshiambuluishe bana betu ba bungi bua kuuja karte kabu ka DPA. Nunku, tudi tulomba mutangidi wa kasumbu ka dilonga dia mukanda yonso bua adienzeje bua kuambuluisha mumanyishi yonso wa mu kasumbu kende.

▪ Mukulu yeye ne bua kubuela mpungilu wa Distrike muaba mukuabu pa kumbusha udi tshisumbu tshiabu ne bua kubuela, atufundile mukanda bua kutumanyisha. Tudi tuamba nanku bualu badi mua kumulomba bua kuenza muyuki mu mpungilu wa kudiye uya, kadi nangananga bikalaku bangamba-malu bakese. Kadi amanye ne: yeye ke udi ne bua kudifutshila njila ne kudikumbajila majinga ende makuabu.

▪ Mu lumingu ludiku mpuilu wa pa buende, mutangidi wa tshijengu udi ne bua kusungula tshisumbu tshidi ne bua kumuakidila. Nebateke bisangilu bia mudimu wa buambi matuku makuabu pa kumbusha dia mpuilu. Bena mu tshisumbu atshi nebenze dilonga dia mukanda dia minite 45 mu Dibidi dilolo, pashishe mutangidi wa tshijengu anyi mutangidi wa distrike (bikalaye ngamba-malu mukumbudi), neenze muyuki wa mudimu mu minite 45. Nebenze Kalasa ka Mudimu wa Nzambi ne Tshisangilu tshia Mudimu dituku dikuabu dia luolu lumingu alu kadi anu bu mutubu benza pa tshibidilu. Badi mua kupesha mutangidi wa distrike ne wa tshijengu bimue bitupa bia mu bisangilu ebi.