Mamanyisha
▪ Mikanda ya kufila mu Kabalashipu: Mukanda wa Créateur anyi wa Nsapi wa disanka mu dîku. Kashipu ne Tshimungu: Broshire onso wa mabeji 32 udibu baleje mu Mudimu wetu wa Bukalenge wa ngondo muitanu 2007. Kabitende: Bible utu ulongesha tshinyi menemene? Nuenze muenu muonso bua kutuadija kulonga Bible ne bantu anu musangu wa kumpala unudi nupetangana nabu. Bikala bantu bakadi ne mukanda eu, nubaleje mu tshikoso mushindu udiwu mua kubambuluisha mu dilonga dia Bible.
▪ Mutangidi-muludiki anyi mukulu mukuabu wasungulaye neakonkonone tshibutshilu tshia tshisumbu bua ngondo 3, 4 ne 5. Pajikijabu dikonkonona edi, nebamanyishe tshisumbu mu luapolo lua konte lua musangu udi ulonda.—Tangila formilere wa Instructions sur la comptabilité des congrégations (S-27).
▪ Kutuadijila mu Tshibumba tshia Nsentedi tshia 1 Tshiongo 2008, nebatuadije kupatula tshibejibeji tshifunda mu maleta manene mu Mangala ne mu Tshiluba. Tshibejibeji etshi netshikale anu ne biena-bualu bia dilonga. Bana betu badi ne lutatu lua mêsu bua bukulakaje badi basue kutshipeta bambile muanetu udi utangila malu a bibejibeji mu tshisumbu bua abalombele. Muanetu eu pende neuuje formilere wa M-202. Sekretere wa tshisumbu enze muende muonso bua kutuma dilomba edi ku Betele ku ntuadijilu wa ngondo wa 7.
▪ Tudi basue kunuvuluija ne: kuimba misambu ya Bukalenge ntshitupa tshia ntendelelu wetu. Padi bantu bonso bimba musambu tshia pamue mu diumvuangana, bidi bilengeja ntendelelu wetu. Ke bualu kayi bena mu tshisumbu bonso badi ne bua kuimba misambu mu muakulu umue, nangananga mu muakulu udibu benzela bisangilu. Bua bualu ebu, nubalulule mukanda wa mu dia 1 Luishi 2004, nangananga tshikoso 3.
▪ Tshibumba tshia Nsentedi tshia dia 1 Kashipu 2007 netshikale ne tshiena-bualu etshi: “Bantu ba bisamba bishilangane badiku mua kusomba mu buobumue anyi?” Pa kumona mushinga udi nawu tshiena-bualu etshi, nebasakidile bia pa lukama 10 ku bungi bua bibejibeji bitu tshisumbu tshionso tshipeta pa tshibidilu.