Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija mu dia 25 Kabalashipu 2007. Mutangidi wa kalasa neenzeje diambulula edi mu minite 30 bilondeshile malu avuabu balongeshe mu kalasa kutuadijila mu lumingu lua 7 Lumungulu too ne mu lua 25 Kabalashipu 2007. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Ntshinyi tshitudi mua kuenza bua kutukija ne kuakula ne dîyi diumvuike bimpe? [be dib. 185 tshik. 1-3]

2. Mmunyi mutudi mua ‘kulua bena malu onso kudi bonso’ patudi tuyisha? (1 Kol. 9:20-23) [be dib. 186 tshik. 2-4]

3. Mmunyi mutudi mua kuidikija tshilejilu tshia Yehowa tshia diteleja bakuabu? (Gen. 18:23-33; 1 Bak. 22:19-22) [be dib. 187 tshik. 1-2, 5]

4. Mmishindu kayi mimpe itudi mua kusaka bakuabu ku diya kumpala? [be dib. 188 tshik. 1-4]

5. Bua tshinyi tudi ne bua kunemeka bakuabu? [be dib. 190 tshik. 3, kazubu]

MUDIMU NO. 1

6. Bua tshinyi tudi ne bua kuenza muetu muonso bua kulenga mioyo ya batudi tulongesha? [be dib. 59 tshik. 1]

7. Tshilejilu tshietu tshidi ne bukole kayi kudi batudi tulongesha? [be dib. 61 tshik. 1]

8. Mmunyi mutudi mua kufika ku dikala tuyukila bimpe patudi kumbelu? [be dib. 62 tshik. 3]

9. Ntshilejilu kayi tshimpe tshia dikima tshidi muprofete Yelemiya mutushile? [si-F dib. 129 tshik. 36]

10. Mukanda wa Muadi udi uleja tshinyi tshivua natshi Yelemiya? Kadi nku tshinyi kudi dileja diawu dia muabutula Nzambi bantu babi kayi luse kuikale ne mushinga? [si-F dib. 132 tshik. 13]

DIBALA DIA BIBLE DIA KU LUMINGU LUONSO

11. Bilondeshile Yelemiya 37:21, bualu buvua buenzekele Yelemiya ebu budi butujadikila tshinyi?

12. Bua tshinyi Baluka uvua mua kuikala muambe muvua Yehowa ‘mumutentakajile kanyinganyinga pa mutu pa dikenga diende’ bimufikishe ne ku ‘dipungila?’ Ntshinyi tshiakatuadijaye kuenza bua lutatu alu? (Yel. 45:1-5)

13. Ndîba kayi diakalua Babulona buloba budi kabuyi ne bantu anyi ‘tshikulu mu miaba yabu yonso’? (Yel. 50:13)

14. Ndilongesha kayi didibu baleje patoke bua disambila mu Muadi 3:8, 9, 42-45?

15. Ditempu didibu baleje mu Yehezekele nshapita wa 1 didi diumvuija tshinyi?