Mamanyisha

▪ Mikanda ya kufila mu Kashipu ne Tshimungu: Broshire yonso wa mabeji 32 idibu batele mu Mudimu wetu wa Bukalenge wa ngondo muitanu 2007. Kabitende: Bible utu ulongesha tshinyi menemene? Nudienzeje bua kutuadija kulonga Bible ne bantu anu dituku dia kumpala dinudi nupetangana nabu. Pikala muntu ukavua ne mukanda eu, numuleje mudiwu mua kumuambuluisha pa kumuleja mu tshikoso mututu tulonga Bible ne bantu. Kasuamansense: Tshibumba tshia Nsentedi ne Réveillez-vous! Muntu yeye umueneka musue kumanya bia bungi, mupeshe trakte wa Aimeriez-vous en savoir plus sur la Bible? bua kumona mua kutuadija kulonga nende Bible.

▪ Nebakange nzubu ya Betele wa Tshinsansa mu dia 9 a ngondo wa 12 wa tshidimu etshi (Nebayisukule yonso). Kakuakuikala mushindu wa kuendesha bantu bua kubaleja mutu mudimu wenzekaku nansha.

▪ Ngondo wa 9 mmuimpe bua kuikala mpanda-njila muambuluishi bualu udi ne matuku a Disambombo atanu ne a Dia lumingu atanu.

▪ Kutuadijila mu ngondo wa 9, batangidi ba bijengu nebenze muyuki wa patoke udi ne tshiena-bualu ne: “Ntshinyi tshidi tshileja ne: Mukanda wa Nzambi mmufume kudi Nzambi?”

▪ Formilere wa muntu udi musue kulua mpanda-njila wa pa tshibidilu udi ne bua kufika ku biro matuku 60 kumpala kua dituku didiye musue kutuadija mudimu eu. Sekretere wa tshisumbu udi ne bua kutangila bua kumona bikala formilere eu mmuuja bimpe. Pikala muntu udi muuja formilere eu mupue muoyo dituku divuaye mutambule, udi mua kutshinka dituku dikumbanyine ne kudifunda. Sekretere udi ne bua kufunda kabidi dituku edi mu fishi wa (S-21) wa tshisumbu.

▪ Nebakonkonone bungi bua mikanda ne bibejibeji bidi mu stoke mu dia 31 ngondo wa 8 anyi matuku makese kunyima kua dituku adi. Nebayikonkonone bu mutubu benza bua mikanda ku ngondo yonso ne kufunda bungi buayi mu formilere wa Stock des publications (S-18). Muanetu anyi bana betu badi batangila malu a bibejibeji nebafile pabu bungi bua bibejibeji bidi mu stoke. Sekretere wa tshisumbu tshidi tshitangila malu a mikanda ke wabadisha bungi bua mikanda eyi. Yeye ne mutangidi-muludiki wa tshisumbu tshiabu nebatue biala pa formilere au. Tshisumbu tshionso tshidi tshitangila malu a mikanda netshipete mabeji asatu a formilere wa stock des publications (S-18). Suayi nutume dibeji dia kumpala dia formilere eu ku biro bia filiale kumpala kua dia 6 dia ngondo wa 9. Nulame dibeji dimue mu dosie yenu. Dikuabu nuenze nadi mudimu wa emvantere.

▪ Malu adibu bashintulule bua Mpungilu wa Distrike wa 2007 wa ‘Londa Kristo’: Butembo: 27-29 Kashipu 2007 (Mfual.); Kiwanja: 28-29 Kashipu 2007 (matuku 2) (Tshisawudi); Tshikapa: 10-12 Tshimungu 2007 (Mfual.).

▪ Mu Tshibumba tshia Nsentedi tshia dia 1 Kabitende 2007 nemuikale tshiena-bualu tshia “Dipungila Dikulukulu” didi ne mushinga kayi? Pa kumona mushinga udi nawu lukonko elu, nebasakidile bia pa lukama 10 ku bungi bua bibejibeji ebi butu tshisumbu tshionso tshipeta kuonso eku.

▪ Mu Réveillez-vous! wa ngondo wa tshitema 2007 nemuikale tshiena-bualu tshia Nzambi ke utu wenzeja bikumina anyi? Pa kumona mushinga udi nawu tshiena-bualu etshi, nebasakidile bia pa lukama 10 pa bungi bua bibejibeji ebi butu tshisumbu tshionso tshipeta kuonso eku.