Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshim.

“Ndiku musue kumanya tshiudi pebe wela meji bua mêyi aa. [Bala Ebelu 3:4.] Udi pebe witaba ne: diulu ne buloba bidi ne muntu wa meji uvua mubienze anyi? [Lekela muntu andamune.] Tshibejibeji etshi tshidi tshiumvuija mudi kuitaba Mufuki wa diulu ne buloba kupetangana ne malu adi bena siyanse bamba.”

Réveillez-vous! Tshim.

Paudi upetangana ne nsonga, udi mua kuamba ne: “Bena mulongo nebe ba bungi bakatuku babashiminyine malu mabi. Bikatuku bikuenzekele pebe anyi? [Lekela muntu andamune.] Bible udi utupesha mubelu muimpe wa tshitudi mua kuenza padibu batushiminyina malu. Udi kabidi utuleja mutudi mua kudilama tuetu bine bua kubenga kushiminyina bakuabu malu.” Leja tshiena-bualu tshidi mu dibeji dia 12, ne bala umue wa ku mvese idi mu tshiena-bualu atshi.

Tshibumba tshia Nsentedi 1 Kabit.

“Bantu ba bungi badi bamona ne: Dipungila dikulu kulu didi ne miyuki mimpe idi ne mushinga. Kadi badi badiebeja bikale mibelu idimu mikale ne mushinga lelu eu. Udi mumona pebe bishi? [Lekela muntu andamune. Pashishe bala Lomo 15:4.] Tshibumba tshia Nsentedi etshi tshidi tshileja mudi Dipungila dikulu kulu ditupesha mibelu mimpe bua nsombelu wa dituku dionso ne ditulaya malu mimpe bua matuku a tshilualua.”

Réveillez-vous! Kabit.

“Buebe wewe, Nzambi ke utu wenzeja bipupu anyi? [Lekela muntu andamune. Pashishe bala Dutelonome 32:4.] Réveillez-vous! eu udi uleja bua tshinyi Nzambi mmulekele bipupu bienzeka. Udi kabidi uleja muudi mua kulama dîku diebe padi bipupu bienzeka.”