Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija mu dia 31 Tshisua-munene 2007. Mutangidi wa kalasa neenzeje diambulula edi mu minite 30 bilondeshile malu avuabu balongeshe mu kalasa kubangila mu lumingu lua dia 5 Kasuabanga too ne mu lua dia 31 Tshisua-munene 2007.

NGIKADILU YA BUNGAMBA-MALU

1. Mmalu kayi atudi ne bua kuvuluka bua kumanya ne: nkomenu wetu udi muimpe? [be dib. 221 tshik. 1-4]

2. Mmunyi mutudi mua kumanya ne: malu atudi tuyisha mu buambi mmajalame? [be dib. 223 tshik. 2–4]

3. Mu miyuki itudi tuenza mu bisangilu bia tshisumbu, mmunyi mutudi mua kuleja ne: tshisumbu ke ‘dikunji ne nshindamenu wa malu malelela’? (1 Tim. 3:15) [be dib. 224 tshik. 2-5]

4. Bua tshinyi kukeba bujalame bua malu kudi ne mushinga ne mmunyi mutudi mua kuenza nanku? [be dib. 225 tshik. 1-2]

5. Patudi tulongesha, mmunyi mutudi mua kuenza bua bakuabu bumvue malu etu bipepele? [be dib. 226 tshik. 3–dib. 227 tshik. 2]

MUDIMU NO. 1

6. Ntshinyi tshidi tshileja ne: mukanda wa Yona mmulelela? [si-F dib. 153 tshik. 3]

7. Mmulayi kayi wa Mika udi musuikakaja ku bukokeshi bua Kristo Yezu mu Bukalenge bua Nzambi? [si-F dib. 158 tshik. 18]

8. Ntshinyi tshidi tshileja ne: Nzambi ngudi mufundishe mukanda wa Habakuka? [si-F dib. 161 tshik. 4]

9. Bua tshinyi tudi mua kuamba ne: mu tshidimu tshia 520 bena Yuda kabavua bakumbaje tshipatshila tshivuabu babapatuile mu bupika? (Hag. 1:4) [si-F dib. 166 tshik. 3]

10. Ndituku dinene kayi didi Zekâya wakuila misangu ya bungi? [si-F dib. 172 tshik. 26]

DIBALA DIA BIBLE DIA KU LUMINGU LUONSO

11. Mmunyi muakakumbana mulayi wa Yoele wa mpasu ya mikumbi mu bidimu lukama bia kumpala ne mmunyi mudiwu ukumbana lelu eu? (Yoele 2:1-10, 28) [w07 1/10 “Dîyi dia Yehowa didi ne muoyo​—Malu manene a mu Mukanda wa Yoele ne wa Amosa”]

12. “Tshibondo tshia mamuma mabobe” tshivua tshimvuija tshinyi? (Amo. 8:1, 2) [w07 1/10 “Dîyi dia Yehowa didi ne muoyo​—Malu manene a mu Mukanda wa Yoele ne wa Amosa”]

13. Mmu ngumvuilu kayi muvua Yehowa ‘[munyingalale] bua muanda mukole wakambaye diambedi bua bena Ninewe,’ ne mmunyi mudi bualu ebu bututangila? (Yona 3:10) [w03 15/7 dib. 17-18]

14. Kuenda mu dîna dia Yehowa kudi kumvuija tshinyi? (Mika 4:5) [w03 15/8 dib. 17 tshik. 19]

15. Ndîba kayi ne mmushindu kayi wakalua Yehowa mu “ntempelo” wende bua kulumbuluisha mu matuku etu aa? (Mal. 3:1-3) [re dib. 32 kazubu; jd-F dib. 179 tshik. 3–dib. 181 tshik. 6]