Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisua.

“Mu tshikondo tshia Noele bantu ba bungi batu badienzeja bua kuleja mudibu bena bulenga ne luse. Udi wela meji bishi, nsombelu uvuaku mua kulengela bu bantu benzelangana malu ne luse matuku onso anyi? [Lekela muntu andamune. Pashishe bala 1 Petelo 3:8.] Tshibejibeji etshi tshidi tshiumvuija mushinga udi nawu luse ne imue mishindu itudi mua kululeja bakuabu.”

Réveillez-vous! Tshisua.

“Udiku wela meji ne: bantu batuvua banange bakadi bafue nebabike anyi? [Lekela muntu andamune.] Bible udi wamba ne: kudi mushindu wa kupanduka ku lufu. [Bala Musambu 68:20.] Tshibejibeji etshi tshidi tshileja tshitudi katuyi mua kutshinyina lufu bu ndekelu wa muoyo.”

Tshibumba tshia Nsentedi 1 Tshio.

“Bantu ba bungi batu basambila bua Bukalenge bua Nzambi bulue. Tshilejilu, tangila disambila dia tshilejilu divua Yezu mulongeshe bayidi bende. [Bala Matayo 6:9, 10.] Ukatuku mudiebeje bua kumanya tshidi Bukalenge ebu ne dîba diluabu anyi? [Lekela muntu andamune.] Tshibejibeji etshi tshidi tshileja tshidi Bible wamba bua bualu ebu.”

Réveillez-vous! Tshio.

“Kutuadija anu ku kale, batu anu bapepeja bantu bakaji ne babenzela malu ne tshikisu. Udi wela meji ne: bidi mua kuikala bua tshinyi? [Lekela muntu andamune.] Tangila tshidi Bible wambila balume bua mushindu udibu ne bua kusomba ne bakaji babu. [Bala 1 Petelo 3:7.] Mu tshibejibeji etshi, mbalejamu tshidi Bible wamba bua mushindu udi Nzambi ne Yezu bamona bantu bakaji.”