Mamanyisha

▪ Mikanda ya kufila mu Tshiongo: Mikanda yonso idi ne mabeji 192 ne ikadi ne mabeji akunzubila anyi ivuabu bapatule kumpala kua 1991. Bisumbu bidi kabiyi ne mikanda eyi bidi mua kufila mukanda wa Dimanya anyi broshire wa Nushale anu batabale! Luishi: Y a-t-il un Créateur qui se soucie de vous? anyi Nsapi wa disanka mu dîku. Luabanya: Bible utu ulongesha tshinyi menemene? Nuenze muenu muonso bua kutuadija kulonga Bible ne bantu. Tshisanga: Tshibumba tshia Nsentedi ne Réveillez-vous! Nuenze muenu muonso bua kuya kutangila bantu bavua banuakidile bimpe pamue ne bavua babuele mu Tshivulukilu anyi mu muyuki wa pa buawu kadi badi kabayi batamba kubuela mu bisangilu bikuabu bia tshisumbu. Tshipatshila tshienu panudi nuya kutangila bantu ba mushindu eu, ntshia kutuadija kulonga Bible ne bonso badi kabayi banji kutuadija kulonga.

▪ Ngondo muisatu nngondo muimpe bua kuikala mpanda-njila muambuluishi bualu udi ne matuku a Disambombo atanu ne a Dia lumingu atanu.

▪ Kutuadijila mu ngondo muibidi katuyi tupita mu dia 2 a ngondo muisatu, muyuki wa mutangidi wa tshijengu newikale ne tshiena-bualu ne: “Nkuepi kutudi mua kupeta diambuluisha patudi mu ntatu?”

▪ Bisumbu bidi ne bua kudilongolola bua kuenza Tshivulukilu mu Disambombo dia 22 a ngondo muisatu panyima dîba dimane kubuela. Nansha mudi Muyuki mua kutuadija kumpala kua dîba, kanuena mua kupitshisha mampa ne mvinyo padi dîba kadiyi dianji kubuela to. Nutangile bimpe bua kumanya tshikondo tshidi dîba dibuela muaba unudi. Mbimpe tshisumbu tshionso tshienze Tshivulukilu pa watshi muaba. Kadi kabitu anu bikumbana misangu yonso to. Muaba udi bisumbu bia bungi bisangile Nzubu wa Bukalenge umue, tshimue tshia kudibi anyi bivule bidi mua kukeba miaba mikuabu ya kudisangishila dilolo adi. Pikalaku mushindu, mbimpe kuanji kupitshisha minite 40 anyi ya bungi apu kumpala kua tshisumbu tshikuabu kutuadijatshi Tshivulukilu bua bana betu badi bafuma ku dijikija bapete mushindu wa kusambangana. Mbimpe nutangile kabidi bualu bua miaba ya badi ne mashinyi kupitshishila anyi kuimanyikila, dîba didibu batulula anyi bambula bantu. Kasumbu ka bakulu nekasungule tshidi tshimpe bua tshisumbu tshienu.

▪ Sekretere wa tshisumbu tshionso udi ne bua kutangila ni badi ne mukanda uvua biro bitume (S-202) bua muanetu yonso udibu bateke mpanda-njila wa pa tshibidilu mu tshisumbu. Yeye kayi muyipete afundile biro bua kubimanyisha.