Mandamuna ku nkonko yenu

▪ Mikanda kayi ibidi itudi ne bua kulongesha nayi bantu?

Mukanda wa Bible ulongesha ke mukanda munene utudi tulongesha nawu bantu Bible. Nansha mudibi kabiyi bibi bua kutuadija kulonga Bible ne muntu mu mukanda mukuabu bu mudi trakte udi mukumbanyine, katunengi bua kushintulula ne kutuadija kulonga nende mu mukanda wa Bible ulongesha. Mukanda eu mmuambuluishe bantu ba bungi batudi batuadije kulonga nabu Bible mu mushindu wa dikema.

Panudi nujikija mukanda wa Bible ulongesha ne padi muntu uya kumpala, nulonge mukanda wa Tutendelelayi Nzambi. (Kolos. 2:7) Mbaleje kipatshila ka mukanda eu mu dibeji 2 bamba ne: “Bible udi utulomba tuetu bonso badi banange Nzambi bua tumanye ‘bule bua mulu ne ndondo’ bia bulelela bua mushinga mukole budi butangila Nzambi. (Efeso 3:18) Ke tshipatshila tshia mukanda eu. Tudi batekemene se: neukuambuluishe bua kukola mu nyuma, kukumbana bua kuendela mu njila mukese udi ufukisha ku muoyo wa tshiendelele mu ndongoluelu wa malu mupiamupia wa Nzambi muikala malu onso mikale makane.”

Mulongi yeye mukumbaje malu malomba bua kutambula ne mutambule kumpala kua nuenu kujikija mikanda yonso ibidi, nudi ne bua kutungunuka ne kulonga nende too ne padi mukanda muibidi ujika. Nansha mudi mulongi mutambule, mulongeshi udi ne bua kubala mêba, dikumbula dipiadipia ne dilonga dia mukanda padibu balonga nende. Muntu udi uya kufila mulongeshi eu udi pende ne bua kubala mêba bikalaye muakule.