Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Lui.

“Udi wela meji ne: bu bena mu mêku batumikila mubelu eu, nsombelu wabu uvua mua kuikala mushindu kayi? [Bala Efeso 4:31. Pashishe lekela muntu andamune.] Mu tshiena-bualu etshi mudi mibelu ya mu Bible ya mushindu udi mulume ne mukajende mua kujikija bilumbu ne kusomba bimpe.” Leja tshiena-bualu tshidi mu dibeji dia 18.

Réveillez-vous! Lui.

“Bamue bantu batu bela meji ne: Nzambi utu utubaluluila bilema bionso bitutu tuenza. Bakuabu pabu ne: utu utulekelela mibi yetu yonso nansha yoyi bunene kayi. Kadi wewe udi umona bishi? [Lekela muntu andamune. Pashishe bala Bienzedi 3:19.] Mbaleja malu asatu adi Bible utuambila bua kuenza bua Nzambi kutufuilaye luse mu tshiena-bualu etshi.” Leja tshiena-bualu tshidi mu dibeji dia 10.

Tshibumba tshia Nsentedi 1 Luab.

“Buebe wewe, mvese eu utu bantu ba bungi bamanye udi umvuija tshinyi? [Bala Yone 3:16.] Ukatuku mudiebeje bua kumanya mudi lufu lua muntu umue mua kufikisha bantu ba bungi ku dipeta muoyo wa tshiendelele anyi? [Lekela muntu andamune.] Tshibejibeji etshi tshidi tshiumvuija bimpe mushindu udi lufu lua Yezu mua kutuambuluisha.”

Réveillez-vous! Luab.

“Udi mumone bishi, bitendelelu bionso mbimpe anyi? [Lekela muntu andamune.] Tangila tshidi Bible wamba bua ntendelelu wa bamue bantu. [Bala Mâko 7:7.] Mmunyi mudi muntu mua kumanya ne: tshitendelelu tshiabu katshiena tshilongesha ‘mikenji ya bantu to,’ kadi tshidi tshilongesha bulelela? Kudiku mushindu wa kupeta bulelela anyi? Tshibejibeji etshi tshidi tshiandamuna nkonko eyi.”