Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija mu dia 28 Tshisanga 2008. Mutangidi wa kalasa neenzeje diambulula edi mu minite 30 bilondeshile malu avuabu balongeshe mu kalasa kutuadijila mu lumingu lua dia 3 Luabanya too ne lua dia 28 Tshisanga 2008.

NGIKADILU YA BUNGAMBA-MALU

1. Bua tshinyi mbimpe kushindamena ne miyuki yetu pa malu adibu batupeshe ne mmunyi mutudi mua kuenza nanku? [be dib. 234 tshik. 1–dib. 235 tshik. 1]

2. Bua tshinyi nkonko idi ne mushinga patudi tulongesha? [be dib. 236 tshik. 1-5]

3. Mmunyi mudi nkonko mua kuambuluisha bateleji bua kuela meji pa tshiena-bualu? [be dib. 237 tshik. 3–dib. 238 tshik. 1]

4. Bua tshinyi mbimpe kuela bantu nkonko idi ibasaka bua kupatula malu adi munda muabu patudi tulongesha? (Nsu. 20:5; Mat. 16:13-16; Yone 11:26) [be dib. 238 tshik. 3-5]

5. Mmushinga kayi udi nawu difuanyikija dia malu patudi tulongesha? (Gen. 22:17; Yel. 13:11) [be dib. 240 tshik. 1-3]

MUDIMU NO. 1

6. Ngamue mêyi kayi manene adi mu mukanda wa Mâko ikale mua kutuambuluisha bua kupeta muoyo wa kashidi mu Bukalenge bua Nzambi? [si-F dib. 186 tshik. 32]

7. Mmunyi mudi nyuma muimpe wambuluisha basadidi ba Nzambi lelu? (Yone 14:25, 26) [be dib. 19 tshik. 2-3]

8. Ntshintu kayi tshitambe bunene tshitudi tupeta bua dimanya kubala? [be dib. 21 tshik. 3]

9. Kulonga kudi kumvuija tshinyi? [be dib. 27 tshik. 3–dib. 28 tshik. 1]

10. Mmunyi mudi mukanda wa Luka ukolesha dieyemena dietu dia ne: Mifundu ya tshiena-Ebelu mmifundisha kudi Nzambi? [si-F dib. 192 tshik. 30-31]

DIBALA DIA BIBLE DIA KU LUMINGU LUONSO

11. Bua tshinyi Yezu wakalongolola muntu uvua mumubikile ne: “Muyishi muimpe”? (Mâko 10:17, 18) [w08 15/2 “Dîyi dia Yehowa didi ne muoyo​—Malu manene a mu mukanda wa Mâko”]

12. Yezu wakangata tshilejilu tshia mutshi wa mfigi bua kuleja tshinyi bua tshisamba tshia Isalele? (Mâko 11:12-14, 20, 21) [w03 15/5 dib. 26 tshik. 2-3]

13. Mêyi avua muanjelu Gabaliele muambile Mariya a ne: ‘newimite difu’ bualu nyuma muimpe wa Nzambi nealue kuudi ne bukole bua Nzambi nebukubuikile avua aleja tshinyi? (Luka 1:30, 31, 34, 35) [w08 15/3 “Dîyi dia Yehowa didi ne muoyo​—Malu manene a mu mukanda wa Luka”; it-2-F dib. 20 tshik. 3]

14. Bayidi ba Yezu bakenza ‘bualu bukandika dituku dia Lumingu lua Bayuda’ anyi dia Nsabatu anyi? (Luka 6:1, 2) [gt nshap. 31]

15. Ndilongesha kayi ditudi tupetela ku mubelu uvua Yezu mupeshe Mata? (Luka 10:40-42) [w99 1/9 dib. 31]