Mamanyisha

▪ Mikanda ya kufila mu Tshisanga ne Lumungulu: Tshibumba tshia Nsentedi ne Réveillez-vous! Nuenze muenu muonso bua kupinga bua kutangila bantu bavua babuele mu Tshivulukilu ne mu muyuki wa patoke badi kabayi Bantemu. Tshipatshila tshia dibapinganyina tshikale tshia kutuadija kubalongesha Bible. Kabalashipu: Bible udi ulongesha tshinyi menemene? Nudienzeje bua kutuadija kulongesha bantu Bible.

▪ Nebatumine bisumbu bionso tumanyishilu tua mpungilu wa distrike wa 2008 kutuadijila mu ngondo 4 mu mikanda ya batuminabu. Kabiena anu ne mushinga bua kutulomba to. Tshisumbu tshidi dijinga ne tuzubu tua kuela tubeji tua tumanyishilu tshidi ne bua kulomba.

▪ Sekretere udi ne bua kulama bungi bukumbane bua formilere ya Dilomba dia mudimu wa bumpanda-njila bua pa tshibidilu (S-205) ne ya Dilomba dia mudimu wa bumpanda-njila buambuluishi (S-205b). Nudi mua kuyilomba ne formilere wa dilomba nende mikanda wa S-14. Udi mua kulama bungi bukumbane bua tshidimu tshijima. Kumpala kua kutuma formilere wa Dilomba dia mudimu wa bumpanda-njila bua pa tshibidilu ku Betele, nutangile bua kumanya ne muuje yonso bimpe.

▪ Mbimpe Betele ikale ne adrese ne nimero ya telefone ya batangidi-baludiki ne ba sekretere bonso. Dîba dionso didiku dishintuluka, komite wa mudimu udi ne bua kuuja kabeji ka Changement d’adresse surveillant-président/​sécretaire (S-29) ne kukatuma ku Betele ne lukasa luonso.

▪ Muntu yeye wenza luendu bua kuya ku matunga menyi ne musue kubuela mu bisangilu, mu mpuilu anyi mpungilu mu ditunga adi udi mua kukonka dîba ne matuku a ngondo ne muaba udibi bienzekela ku Betele wa ditunga adi. Adrese ya Betele itu mu dibeji dia ndekelu dia Annuaire wa tshidimu tshionso.

▪ Malu adibu bashintulule bua mpungilu wa distrike wa 2008: mpungilu uvua mua kuenzekela ku Basankusu matuku 3 mu Mangala neenzekele ku Boso Mungeke (Ikeke wa kale): dia 8 too ne 10 mu ngonso wa 8. Numanye ne: mpungilu wa matuku 2 neenzekele ku Bosondjo kubangila dia 30 too ne 31 ngondo wa 8.