Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Lum.

“Bu mudi bikumina ne mpepele bivulangane lelu eu, bamue bantu batu bela meji ne: Nzambi ke udi utunyoka. Utu pebe wela meji kayi? [Lekela muntu andamune. Pashishe ubale 1 Yone 4:8.] Tshiena-bualu etshi tshidi tshileja ne: Nzambi katu ututumina makenga aa to.” Leja muntu tshiena-bualu mu dibeji dia 30.

Réveillez-vous! Lum.

Bala Matayo 6:10. Pashishe ebeja muntu ne: “Ukadiku mudiebeje tshidi Nzambi musue kuenza ne buloba anyi? [Lekela muntu andamune.] Bible udi wamba ne: Nzambi utu ne tshituye mufukile buloba; katu muanji kutshilekela to. Tshiena-bualu etshi tshidi tshileja tshivuaye mufukile buloba.” Leja muntu tshiena-bualu tshidi mu dibeji dia 10.

Tshibumba tshia Nsentedi 1 Kabal.

“Muyuki wa Noa ne Mvula wa kabutu ke muyuki wa mu Bible utu bantu ba bungi bamanye. Utu witaba ne: Mvula au wakaloka anyi? [Lekela muntu andamune.] Bualu budi butukemesha mbua se: Yezu wakamba ne: mvula eu uvua muloke. [Bala Luka 17:26, 27.] Tshibejibeji etshi tshidi tshituleja malu adi ajadika ne: mvula eu uvua muloke. Tshidi tshituleja kabidi malongesha mimpe adi muyuki wa mvula eu utupesha.”

Réveillez-vous! Kabal.

“Kukolesha bana kutu kukola nangananga padi muana ufika ne bidimu dikumi ne bia mu njila, dîba didi mubidi wende utuadija kushintuluka bikole. Udi umona bishi, mmuaba kayi udi baledi mua kupetela mibelu miakane? [Lekela muntu andamune. Pashishe ubale Yeshaya 48:17, 18.] Réveillez-vous! eu udi ufila mibelu mimpe idi mua kupesha baledi lungenyi ne meji.”