Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Tshimungu

“Bantu ba bungi batu bela meji ne: bantu bimpe bonso nebaye ku diulu. Utu pebe witaba bualu ebu anyi? [Lekela muntu andamune.] Tangila tshidi mvese eu wamba bua buloba. [Bala Musambu 37:11, 29.] Tshiena-bualu etshi tshidi tshileja tshivua Yezu mulongeshe tshienzekela bantu pa buloba mu matuku kumpala eku.” Leja tshiena-bualu tshidi tshituadijile mu dibeji dia 22.

Réveillez-vous! Tshimungu

“Lufu lua muledi lutu lusama ku muoyo kupita malu a bungi. Udi mumone pebe nanku anyi? [Lekela muntu andamune.] Kudi mvese ya mu Bible itu mikoleshe bantu ba bungi ku muoyo, bu mudi eu. [Bala Buakabuluibua 21:4.] Tshiena-bualu etshi tshidi tshiumvuija mua kupita ne tunyinganyinga tudi mua kutukuata, nangananga bua bansonga.” Muleja tshiena-bualu tshidi tshituadijile mu dibeji dia 10.

Tshibumba tshia Nsentedi 1 Kabitende

“Bamue bantu batu bamba ne: wewe ne lulamatu kudi Nzambi neakubeneshe ne bubanji, kadi bamba bua bupele ne: ndinyoka dia kudi Nzambi. Wewe udi mumone pebe bishi? [Lekela muntu andamune.] Pabi Yezu kavua mubanji to. [Bala Luka 9:58.] Tshibejibeji etshi tshidi tshiakula bua mabenesha adi basadidi ba Nzambi batekemene.”

Réveillez-vous! Kabitende

“Udi wela meji ne: bansonga badi ne ntatu ya bungi mpindieu kupita bidimu bishala ebi anyi? [Lekela muntu andamune.] Bantu ba bungi badi bumvua mêyi adi mu mvese eu makumbanyine tshikondo tshietu etshi. [Bala 2 Timote 3:1.] Tshibejibeji etshi tshidi tshileja amue mêyi masunguluke a mu Bible adi mua kuambuluisha baledi ne bansonga bua kupita ne ntatu.”