Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kabitende

“Bantu ba bungi batu bela meji ne: Adama ne Eva badibu batele mu mukanda wa Genese ki mbantu balelela to. Pabi bakuabu badi bobu bitaba ne: Adama ne Eva mbantu balelela. Wewe udi wela meji kayi? [Lekela muntu andamune.] Tangila tshiakamba Yezu bua Adama ne Eva. [Bala Mâko 10:6-9.] Tshiena-bualu etshi tshidi tshifila bijadiki ne tshiumvuija bua tshinyi malu atudi tuitaba adi ne mushinga.” Umuleje tshiena-bualu tshidi mu dibeji dia 12.

Réveillez-vous! Kabitende

Bala 1 Yone 4:8. Pashishe amba ne: “Bamue batu bamba ne: Nzambi neele bantu babi mu kapia ka iferno. Bakuabu badi bela meji ne: kuamba nanku kakuena kumvuangana ne tshidi mvese eu wamba to. Wewe udi wela meji kayi? [Lekela muntu andamune.] Tshiena-bualu etshi tshidi tshituleja tshidi Bible ulongesha bua bualu ebu.” Leja tshiena-bualu tshidi mu dibeji dia 10.

Tshibumba tshia Nsentedi 1 Kasuamansense

“Tuetu bonso tutu anu ne ntatu. [Tela imue ya ku ntatu ya mu teritware wenu.] Udi wela meji ne: Nzambi udi mua kutuambuluisha anyi? [Lekela muntu andamune.] Kudi mishindu ya bungi idi Nzambi mua kutuambuluisha, kadi Yezu udi utuleja mushindu umue mu mvese eu. [Bala Luka 11:13.] Tshibejibeji etshi tshidi tshiumvuija tshidi nyuma muimpe, ne mushindu udiye mua kutuambuluisha.”

Réveillez-vous! Kasuamansense

“Mu dîku dionso edi mutu anu bilumbu, kabitu bipangika nansha bia munyi. Mmuaba kayi udi bena mu mêku mua kupetela mibelu mimpe ya nsongo? [Lekela muntu andamune. Pashishe bala Musambu wa 32:8.] Réveillez-vous! eu udi ne mibelu mimpe misunguluke ya mu Bible idi mua kuambuluisha bena mu mêku padibu bayitumikila.”