Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Luishi

“Udi wela meji kayi, Nzambi utuku uteleja masambila onso anyi? [Lekela muntu andamune.] Umvua tshivua Yezu muambe bua bualu ebu. [Bala Matayo 6:7.] Tshiena-bualu tshimpe etshi tshidi tshileja tshidi Bible wandamuna mu nkonko inayi itu bantu bapita kuela mu bualu bua disambila.” Leja tshiena-bualu tshidi mu dibeji dia 16.

Réveillez-vous! Luishi

“Bantu ba bungi batu bamba ne: mbamane kutulongoluela tshiatufikila matuku atshilualua. Udi wamba pebe munyi? [Lekela muntu andamune.] Bilondeshile mvese eu, tuetu nkayetu ke badi ne bualu. [Bala Dutelonome 30:19.] Tshiena-bualu etshi tshidi tshileja tshidi Bible wamba bua dilongesha edi.” Leja tshiena-bualu tshidi mu dibeji dia 12.

Tshibumba tshia Nsentedi 1 Luabanya

“Udi umona bishi, bualu buonso budi buenzeka panu bukavua bumana kulongolola ne: nebuenzeke anyi? [Lekela muntu andamune.] Tangila tshidi Bible wamba bua bualu ebu. [Bala Muambi 9:11.] Tshibejibeji etshi tshidi tshiumvuija ne: nansha mudi Nzambi mudianjile kulongoluela buloba buetu ebu malu mimpe kumpala eku, mmutulekele bukenji bua kudisunguila tshikala nsombelu wetu.”

Réveillez-vous! Luabanya

“Bantu bavule badi ne tunyinganyinga tua malu a makuta, nangananga lelu eu udiwu malue kukola. Kuenaku mumone nanku anyi? [Lekela muntu andamune.] Tangila mmuenenu muimpe utudi ne bua kuikala nende. [Bala 1 Timote 6:8, 10.] Tshibejibeji etshi tshidi tshileja mêyi a mu Bible adi mua kutuambuluisha bua kulobelela makuta mu mushindu wa kushala ne ditalala mu lungenyi.”