Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kab.

“Udi wela meji bishi, nkuepi kutudi mua kuya kukeba mibelu mimpe patudi tukeba kuenza bualu kampanda bua mushinga? [Lekela muntu andamune. Bala Nsumuinu 3:5, 6.] Tshiena-bualu etshi tshidi tshileja mudi meji a kudi Nzambi atulomba bua kudianjila kuela meji a bipeta bia bualu butudi tusua kuenza kumpala kua kubuenza.” Muleja tshiena-bualu tshidi mu dibeji dia 8.

Réveillez-vous! Kab.

“Udi wela meji ne: Nzambi ukavua mulongolole bua bantu kukenga ne nzala idi pa buloba lelu eyi anyi? [Lekela muntu andamune.] Mona tshidiye mulongolole bua kujikija lutatu elu. [Bala Musambu 72:16.] Tshiena-bualu etshi tshidi tshiumvuija muikala Nzambi mua kuvuija buloba Mparadizu.” Muleja tshiena-bualu tshidi mu dibeji dia 8.

Tshibumba tshia Nsentedi 1 Kasua.

“Mu tshikondo etshi tshia kayumbayumba, bantu ba bungi badi ne buôwa bua malu atshilualua. Ntshinyi tshidi mua kukuambuluisha bua kuikala ne muoyo mukole? [Lekela muntu andamune.] Tangila tshidi wamba. [Bala Yeshaya 65:17.] Tshibejibeji etshi tshidi tshileja malu adi mua kukuambuluisha bua kushala muindile malu mimpe matuku atshilualua.”

Réveillez-vous! Kasua.

“Enternete utu wambuluisha bikole, kadi udi ne njiwu ya bungi kudi bana. Mmushindu kayi utudi mua kubakuba? [Lekela muntu andamune.] Anji tangila lungenyi ludibu bafile mu mvese eu. [Bala Nsumuinu 18:1, umumvuije.] Ebu mbumue bua ku malu 6 a mu Bible adi maleje mu tshiena-bualu etshi adi mua kuambuluisha baledi bua kukuba bana babu.” Muleja tshiena-bualu tshidi mu dibeji dia 7.