Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Luabanya

“Bidi mua kutukolela bua kuenza malu makane padi bantu bakuabu batusaka bua kuenza malu mabi. Buebe wewe, ntshinyi tshidi mua kutuambuluisha bua kubenga kukuatshika mu buteyi ebu? [Lekela muntu andamune. Pashishe bala Nsumuinu 29:25.] Tshiena-bualu etshi tshidi tshileja malu atanu adi mua kutuambuluisha bua kutshina Nzambi pamutu pa kutshina bantu.” Muleja tshiena-bualu tshidi mu dibeji dia 12.

Réveillez-vous! Luabanya

“Tuetu bonso tutu basue kuikala ne balunda bimpe. Nngikadilu kayi iudi musue bua mulunda webe ikale nayi? [Lekela muntu andamune.] Tangila tshidi Bible wamba. [Bala Nsumuinu 17:17.] Tshiena-bualu etshi tshidi ne mibelu ya mushindu wa kusungula balunda bimpe ne ya mua kuikala mulunda muimpe kudi bakuabu.” Muleja tshiena-bualu tshidi mu dibeji dia 18.

Tshibumba tshia Nsentedi 1 Tshisanga

“Ndi musue kumanya muudi wela meji bua mêyi a Yezu aa. [Bala Yone 3:3.] Buebe wewe, kuledibua tshiakabidi kudi kumvuija tshinyi? [Lekela muntu andamune.] Kumvua bimpe mêyi a Yezu aa nekuakaje nsombelu wetu ne nekutupeshe ditekemena bua matuku atshilualua. Tshibejibeji etshi tshidi tshiumvuija mushindu wenzekabi.”

Réveillez-vous! Tshisanga

“Balongi ba bungi badi bamueneka bikale ne malu adi abatonda mapite bungi. Udi wela meji ne: malu mmashintuluke katshia tshikondo tshivua baledi babu balonge anyi? [Lekela muntu andamune.] Kusamisha mutu bua malu adi kaayi ne mushinga kudi mua kukebesha ntatu. [Bala Muambi 7:7a.] Tshibejibeji etshi tshidi tshileja mudi bantu bakole mua kuambuluisha bana bua kutantamena lutatu elu.”