Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 31 Tshimungu 2009. Mutangidi wa kalasa neenzeje diambulula edi mu minite 20 bilondeshile malu avuabu balongeshe mu kalasa kutuadijila mu lumingu lua dia 6 Kashipu too ne lua dia 31 Tshimungu 2009.

1. Bua tshinyi bavua bafundila muana uvua ‘wela baledi bende mulawu’ tshibawu tshia lufu? (Lew. 20:9) [w04 15/5 dib. 24 tshik. 6]

2. Bu muvuabu balombe balume bonso bua kuikala ku musekelelu wa mampa kaayi mela luevene, nganyi uvua upola ntete ya diambedi ivuabu bafila bu milambu? (Lew. 23:5, 11) [w07 15/7 dib. 26 tshik. 3]

3. Tshidimu tshia disanka dinene tshivua mundidimbi wa tshinyi? (Lew. 25:10, 11) [w04 15/7 dib. 26-27]

4. “Bimanyinu” bidibu batela mu Nomba 2:2 bidiku ne diumvuija kampanda mu malu a ntendelelu wa bena Isalele anyi? [w02 15/9 dib. 21 tshik. 4]

5. Ndungenyi kayi ludi nalu bamanyishi ba ku dîba ne ku dîba lelu lua buena luvua nalu Banazi mu Isalele? (Nom. 6:3, 5, 6) [w04 1/8 dib. 24-25

6. Mbualu kayi bua mushinga butudi tulongela ku dilekela dia mudimu wa bena Lewi butudi mua kuenza nabu mudimu lelu? (Nom. 8:25, 26) [w04 1/8 dib. 25 tshik. 1]

7. Mmunyi muvua bamue bena Isalele ne “lukuka be?” Bualu ebu budi bulongesha bena Kristo tshinyi lelu eu? (Nom. 11:4) [w01 15/6 dib. 14-15; w95 1/3 dib. 15 tshik. 10]

8. Bua tshinyi disama dia nsudi divua dikuate anu Mîyama? Bualu ebu budi butulongesha tshinyi? (Nom. 12:9-11) [w04 1/8 dib. 26 tshik. 2; it-2-F dib. 295 tshik. 1]

9. Ntshinyi tshivua Yoshua ne Kalebe basue kumvuija pavuabu bamba muvua bena Kanana anu bu ‘bintu bia kudia’? (Nom. 14:9) [w06 1/10 dib. 16 tshik. 5; it-2-F dib. 472 tshik. 3]

10. Ndidimuija kayi ditudi tupetela mu mvese wa Nomba 21:5? [w99 15/8 dib. 26-27]