Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Tshisua-munene

“Mu ngondo eu bantu batu benza manaya bua kuleja muvua Yezu muledibue. [Bala Matayo 2:1, 11.] Udi mumone dishilangana didi pankatshi pa tshidi Mukanda wa Nzambi wamba ne tshitu bantu benza mu manaya aa anyi? [Lekela muntu andamune.] Tshiena-bualu etshi tshidi tshileja muvua malu mapitakane menemene.” Leja muntu tshiena-bualu tshidi mu dibeji dia 31.

Réveillez-vous! Tshisua-munene

“Mvua musue kumanya muudi pebe wela meji bua bualu buakamba Yezu ebu. [Bala Matayo 5:3.] Bu mudiku bisumbu bia nzambi bipite bungi, muaba udi muntu utendelela udi ne mushinga anyi? [Lekela muntu andamune.] Tshiena-bualu etshi tshidi tshileja mutudi mua kutendelela Nzambi bimpe.” Leja muntu tshiena-bualu tshidi tshituadija mu dibeji dia 12.

Tshibumba tshia Nsentedi 1 Tshiongo

“Bena nzambi badi bamba malu mashilangane bua tshilumbu tshia maluvu makole. Buebe wewe, Nzambi utu wamba tshinyi bua bantu batu balabula maluvu? [Lekela muntu andamune.] Nansha mudi Mukanda wa Nzambi wamba ne: Yezu wakashintulula mâyi kuluawu maluvu, udi kabidi wamba tshidi mvese eu wamba. [Bala Nsumuinu 23:20a.] Tshiena-bualu etshi tshidi tshileja tshidi Bible wamba menemene bua maluvu.”

Réveillez-vous! Tshiongo

“Mu tshikondo tshikole etshi, mudimu udi wangata bantu ba bungi dîba dionso, badiumvua batshioke. Ke muutu pebe udiumvua anyi? [Lekela muntu andamune.] Tangila mubelu muimpe eu. [Bala Muambi 4:6.] Réveillez-vous! eu udi uleja mua kuikala ne dîba dia kuenza mudimu, dia kutangila malu a dîku ne dia kuikisha. Udi kabidi upesha bantu badi bakeba midimu mibelu.”