Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kasuabanga

“Malu adi asumpakaja mêku mmamueneke anu enda avulangana bikole. Udi umona pebe ne: mêku avua kuikala bishi bu badimu bikale bidikija ngikadilu wa Yezu eu? [Bala Matayo 20:28. Lekela muntu andamune.] Tshiena-bualu etshi tshidi tshiumvuija malu atanu adi tshilejilu tshia Yezu mua kulongesha badi mu mêku.” Leja tshiena-bualu tshidi tshibangila mu dibeji dia 16.

Réveillez-vous! Kasuabanga

“Utuku umona pebe ne: tshitendelelu tshidi tshisakangana ku dinanga ne ditalala anyi ku lukinu ne tshikisu? [Lekela muntu andamune.] Bidi bimueneka ne: bantu ba bungi kabena batumikila mêyi a Yezu aa to. [Bala Matayo 5:44, 45.] Tshiena-bualu etshi tshidi tshiandamuna lukonko lua ne: Kudiku mushindu wa kunanga baluishi betu anyi?” Muleja tshiena-bualu tshidi tshibangila mu dibeji dia 10.

Tshibumba tshia Nsentedi 1 Tshisua-munene

“Udiku wela meji ne: Nzambi neajikijaku makenga pa buloba dimue dituku anyi? [Lekela muntu andamune.] Tangila mulayi wa mu Bible udi utupesha ditekemena. [Bala mvese umue wa ku idi mu kazubu kadi mu dibeji dia 7.] Tshibejibeji etshi tshidi tshileja tshidi Bible wamba bua dîba diajikija Nzambi makenga onso ne mushindu waajikijaye.”

Réveillez-vous! Tshisua-munene

“Bamue badi bitaba mudi bia panu bionso bifukibue, kadi bakuabu pabu badi bamba mudibi bilue mu mpukampuka, kabiyi ne tshipatshila. Wewe udi wamba pebe bishi? [Lekela muntu andamune.] Mona mudi Bible wamba. [Bala Ebelu 3:4.] Tshibejibeji etshi tshidi tshiumvuija bimpe kuakafuma bintu bionso ne tshidibi bikadilaku.”