Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/11

“Udiku wela meji ne: banjelu batu basanka peshi babungama bua malu atudi tuenza anyi? [Lekela muntu andamune.] Bible udi utuambila bualu bua mushinga ebu. [Bala Luka 15:10.] Tshiena-bualu etshi tshidi tshiumvuija bualu buvua Yezu muambe bua tshidi banjelu mua kutuenzela.” Leja muntu tshiena-bualu tshidi mu dibeji dia 16.

Réveillez-vous! Ngondo wa 11

Bala 2 Timote 3:16. Pashishe wambe ne: “Udi witaba ne: tudi mua kueyemena malu onso adi Bible wamba anyi? [Lekela muntu andamune.] Tshiena-bualu etshi tshidi tshileja mudi bintu bivuabu bangule muinshi mua buloba ne malu a kale bipetangana ne tshidi Bible wamba bua Ejipitu wa kale.” Leja muntu tshiena-bualu tshidi mu dibeji dia 15.

Tshibumba tshia Nsentedi 1/12

“Bantu ba bungi batu bitaba ne: kudi bantu bakuabu badi kabayi bamueneka badi mua kutukuatshisha. Kadi wewe udi wela meji kayi? [Lekela muntu andamune. Pashishe bala Buakabuluibua 12:7-9.] Tshibumba tshia Nsentedi etshi tshidi tshileja tshidi Bible wamba bua bantu abu, bua tshidibu mua kutuenzela ne kabidi ni kudi mushindu wa tuetu kudia nabu malanda.”

Réveillez-vous! Ngondo wa 12

“Ukadiku mudiebeje bua tshinyi bantu batu basekelela Nowele dituku dia 25/12, pende Bible kayi uleja dituku divuabu balele Yezu anyi? [Lekela muntu andamune.] Bilondeshile mvese eu, Yezu kavua mua kuledibua tshikondo tshia mashika makole to. [Bala Luka 2:8.] Tshibumba tshia Nsentedi etshi tshidi tshileja kudi bimue bilele bia mu Nowele bifumine.”