Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 22 ngondo muibidi wa 2010. Mutangidi wa kalasa neenzeje diambulula edi mu minite 20 bilondeshile malu avuabu balongeshe mu kalasa bituadijile ku lumingu lua dia 4 ngondo wa kumpala too ne ku lua dia 22 ngondo muibidi 2010.

1. Mmalu kayi avua mafikishe bamue bena Isalele bua kujingakana bua kukuata Buloba bulaya? Bualu abu budi ne dilongesha kayi buetu lelu? (Yosh. 18:2, 3) [it-1-F dib. 934 tshik. 1]

2. Tshivua tshifikishe Yoshua ku diamba mêyi adi mu Yoshua 24:14, 15 ntshinyi? Bualu ebu budi bututangila ku tshinyi? [w08 15/5 dib. 17-18 tshik. 4-6]

3. Ngumue mushindu kayi uvua batendeledi ba Bâla ne ntendelelu wabu muikale bu mêba mu mbese ya bena Isalele, ne bu buteyi kudi bena Isalele? (Bal. 2:3) [w08 15/2 dib. 27 tshik. 2-3]

4. Dikima dia Ehuda dia kuenza mudimu ne muele wa mvita didi mua kutulongesha tshinyi? (Bal. 3:16, 21) [w97 15/3 dib. 31 tshik. 4]

5. Ndikola ku muoyo kayi ditudi tupeta patudi tulonga mushindu uvua Yehowa musungile Gideona ne bantu bende 300? (Bal. 7:19-22) [w05 15/7 dib. 16 tshik. 8]

6. Mu mushindu kayi uvua muoyo wa Yehowa ‘munyingalale bua ntatu ya bena Isalele’? (Bal. 10:16) [cl dib. 254-255 tshik. 10-11]

7. Yafeta uvuaku ne meji a kulambula Nzambi muntu pavuaye muenze mutshipu wende anyi? (Bal. 11:30, 31) [w05 15/1 dib. 26 tshik. 1]

8. Bukole bua Shimishona buvua anu mu nsuki yende ayi patupu anyi? (Bal. 16:18-20) [w05 15/3 dib. 28 tshik. 5-6]

9. Patudi tufika ku diumvua bimpe bualu bua dikema buvua Shimishona muenze budi bulonda mu Balumbuluishi 16:3, bidi bituambuluisha mushindu kayi? [w04 15/10 dib. 15-16 tshik. 7-8]

10. Mbualu kayi butudi tulongela ku mêyi adi mu Balumbuluishi 16:30 bua bidi bitangila anyima? [w90-F 1/9 dib. 5 tshik. 5; sp dib. 13-14]