Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/4

“Kudi mikanda mikuabu idi yamba muvua Yezu kayi mufue bu mudi Bible wamba, kadi uvua musele ne mulele bana. Ukadiku mumvue bualu ebu anyi? [Lekela muntu andamune.] Mbimpe kumanya bulelela. [Bala Yone 17:3.] Tshiena-bualu etshi tshidi ne malu adi mua kukufikisha ku ditaba tshidi Bible wamba bua Yezu.” Leja muntu tshiena-bualu tshidi mu dibeji dia 26.

Réveillez-vous! Ngondo 4

Bala Musambu 37:9-11. Pashishe ebeja muntu ne: “Udi wela meji ne: buloba nebuikale bishi pakumbana bualu ebu? [Lekela muntu andamune.] Tshiena-bualu etshi tshidi tshiakula bua mulayi muimpe eu ne tshileja bua tshinyi lelu kudi makenga a bungi pa buloba.” Leja muntu tshiena-bualu tshidi mu dibeji dia 20.

Tshibumba tshia Nsentedi 1/5

“Ukadiku mudiebeje bua tshinyi Nzambi mmulekele makenga anyi? [Lekela muntu andamune.] Tangila muvua muntu mukuabu uvua mufunde Bible muele lukonko lutu bantu ba bungi badiela. [Bala Musambu 10:1.] Tshibejibeji etshi tshidi tshileja tshidi Bible wamba bua tshidi Nzambi mulekele makenga ne tshidiye wenza bua kuajikija.”

Réveillez-vous! Ngondo 5

“Bantu ba bungi batu bakeba kulekela dinua makanya kadi bitu bibakolela. Udiku mumanye muntu udi musue kulekela makanya anyi? [Lekela muntu andamune.] Bantu bakuabu batu balomba balunda ne bena mu dîku diabu bua kubambuluisha. [Bala Muambi 4:12a.] Tshibejibeji etshi tshidi ne malu adi mua kuambuluisha muntu bua kulekela makanya.”