Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/5

“Malu avua mua kuikala mushindu kayi pa buloba bu bantu bonso balonda mêyi a Yezu aa? [Bala Matayo 7:12. Pashishe lekela muntu andamune.] Tshiena-bualu etshi tshidi tshiakula bua amue malongesha a Yezu adi aleja tshidi kuikala muena Kristo kumvuija.” Leja muntu tshiena-bualu tshidi mu dibeji dia 16.

Réveillez-vous! Ngondo 5

“Udiku wela meji ne: malu a mfranga nealongoloke mu matuku makese emu anyi? [Lekela muntu andamune.] Bantu ba bungi ki mbamanye ne: Mukanda wa Nzambi udi mua kutuambuluisha mu tshikondo etshi tshia ntatu to. [Bala mvese umue ku idi mu tshiena-bualu.] Tshiena-bualu etshi tshidi tshileja mudi mibelu ya mu Mukanda wa Nzambi mua kutuambuluisha bua kupita ne ntatu ya mfranga idiku lelu.” Leja muntu tshiena-bualu tshidi mu dibeji dia 18.

Tshibumba tshia Nsentedi 1/6

“Lelu bitendelelu bia bungi kabiena biakula bua bubi bu ku kale to. Buebe wewe, bubi mbualu buvua butangila anu bena kale anyi budiku bututangila petu lelu? [Lekela muntu andamune. Pashishe bala Lomo 5:12.] Tshibejibeji etshi tshidi tshileja tshidi Bible wamba bua bubi.”

Réveillez-vous! Ngondo 6

“Bidi bimueneka ne: nsombelu udi wenda anu unyanguka. Ke muudi umona pebe anyi? [Lekela muntu andamune.] Bantu ba bungi badi bela meji ne: mêyi adi mu mvese eu adi umvuija bua tshinyi ntatu mmivule. [Bala 2 Tim. 3:1.] Tshibejibeji etshi tshidi tshileja mudi malu makole aa atutatshisha. Tshidi kabidi tshituleja amue malu atudi mua kuenza bua kuatantamena.”