Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/6

“Bantu ba bungi batu batangila bimanyinu mu mitoto kumpala kua kuangata mapangadika. Udi wela meji ne: mitoto idi mua kutuambuluisha mu nsombelu wetu anyi? [Lekela muntu andamune.] Udi mumanye ne: Bible udi wakula bua bantu bavua batendelela mitoto anyi? [Bala 2 Bakelenge 23:5.] Tshiena-bualu etshi tshidi tshileja tshidi Bible wamba bua bualu ebu.” Leja muntu tshiena-bualu tshidi mu dibeji dia 18.

Réveillez-vous! Ngondo 6

“Bamfumu ba bitendelelu batu bafutshisha bantu bua kubatambuisha, kubenesha mabaka ne kufuka misa ya bafue. Udi wela meji ne: badi benza bimpe anyi? [Lekela muntu andamune.] Tangila tshivua Yezu muambile bayidi bende. [Bala Matayo 10:7, 8b.] Tshiena-bualu etshi tshidi tshileja tshidi Bible wamba bua kufutshisha bantu bua midimu ya Nzambi.” Leja muntu tshiena-bualu tshidi mu dibeji dia 22.

Tshibumba tshia Nsentedi 1/7

“Bantu ba bungi batu babikila Wa Bukole Buonso anu ne: Nzambi. Kadi udi mumanye ne: Bible udi utuleja dîna diende anyi? [Lekela muntu andamune. Pashishe bala Yeshaya 42:8a.] Tshibejibeji etshi tshidi tshiumvuija bua tshinyi bavua bumbushe dîna dia Nzambi mu Bible mikuabu ne tshidi kumanya Nzambi mu dîna diende kumvuija.”

Réveillez-vous! Ngondo 7

“Malu a makuta mmakebeshe tunyinganyinga tua bungi mu bantu. Balofua badi ne tunyinganyinga ne badi ne midimu badi batshina ne: badi mua kubipata ku mudimu. Udi wela meji ne: mubelu eu udi mua kutuambuluisha anyi? [Bala Matayo 6:34. Pashishe lekela muntu andamune.] Tshibejibeji etshi tshidi ne ngenyi idi mua kutuambuluisha bua kulama peshi kutula makuta ne kutantamena tunyinganyinga.”