Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/7

“Bantu ba bungi kabatu bamanye tshidibu mua kuambila mulunda wabu udi usama bikole anyi udi ne disama dia lufu to. Udi wela meji kayi bua mubelu eu? [Bala Yakobo 1:19. Lekela muntu andamune.] Tshiena-bualu etshi tshidi ne mibelu mimpe miangatshila mu Bible.” Muleje tshiena-bualu tshidi mu dibeji dia 10.

Réveillez-vous! Ngondo 7

“Bantu bakaji badiku mua kuyisha anyi? [Lekela muntu andamune.] Teleja tshidi Bible wamba bua mukaji kampanda. [Bala Lomo 16:1.] Kadi kudi mvese mukuabu udi wamba ne: bakaji badi ne bua kupuwa mu tshisumbu. Bikalabi nanku, tudi mua kuamba ne: Bible mmusue kuamba tshinyi bua bualu ebu? Tshiena-bualu etshi tshidi tshiumvuija bualu ebu bimpe.” Muleje tshiena-bualu tshidi mu dibeji dia 28.

Tshibumba tshia Nsentedi 1/8

“Bantu ba bungi badi ne buôwa bela meji ne: buloba ebu nebubutuke ku mvita ya bingoma binene anyi ne: miunya mikole peshi mvula ya bipupu neyibunyange anyi kububutula. Udi wela meji ne: bualu ebu nebuenzeke anyi? [Lekela muntu andamune.] Teleja tshidi Bible wamba bua bualu ebu. [Bala Buakabuluibua 11:18.] Tshibejibeji etshi tshidi tshiandamuna nkonko inayi itu bantu ba bungi badiela bua nshikidilu wa buloba.”

Réveillez-vous! Ngondo 8

“Bidi bimueneka ne: ukavuaku muyukile ne Bantemu ba Yehowa. Ukatuku mudiebeje bua tshinyi tutu tuyisha bantu ku nzubu ne ku nzubu nansha mudi ba bungi kabayi batuteleja anyi? [Lekela muntu andamune. Pashishe bala Matayo 24:14.] Tudi bamone ne: bantu ba bungi batu bumvua bibi malu atudi tulongesha. Tshibejibeji etshi tshidi tshiumvuija tshidi Bantemu ba Yehowa.”