TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 3/11 dib. 1
  • Tulejayi dianyisha

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Tulejayi dianyisha
  • Mudimu wetu wa Bukalenge—2011
  • Bintu bia muomumue
  • ‘Tungunukayi ne kuenza nunku’
    Mudimu wetu wa Bukalenge—2012
  • Mushindu wa kuleja dianyisha bua dipa ditambe bunene dia Nzambi
    Mudimu wetu wa Bukalenge—2010
  • Tuenze bua mulambu wa Yezu wambuluishe bantu netu
    Mudimu wetu wa Bukalenge—2006
  • Tuvuluke mulambu wa Yezu ne dianyisha
    Mudimu wetu wa Bukalenge—2008
Tangila bikuabu
Mudimu wetu wa Bukalenge—2011
km 3/11 dib. 1

Tulejayi dianyisha

Netuenze Tshivulukilu mu dia 17 dia ngondo 4

1. Anu bu mufundi wa Misambu, tudi ne bua kuikala ne lungenyi kayi mu tshikondo tshia Tshivulukilu?

1 Mufundi wa Musambu wa 116 wakadiela lukonko ludi lulonda elu bualu Yehowa uvua mumufuile luse ne mumusungile misangu ya bungi. Wakamba ne: ‘Nempingajile Yehowa tshinyi bua malu ende mimpe onso akungenzeleye?’ (Mus. 116:12) Nzambi mmuenzele batendeledi bende lelu malu kupita ne apu. Yehowa wakafila dipa dia mushinga mukole menemene anyi tshia-bupikudi bidimu bia bungi kunyima kua nyuma muimpe mumane kufundisha mêyi aa. Bu mutudi tudilongolola bua kusekelela mufikilu wa lufu lua Kristo mu dia 17 mu ngondo muinayi, tudi tumvua ne: tudi ne bua kuleja dianyisha dietu.​—Kolos. 3:15.

2. Tela amue malu mimpe adi atusaka bua kuikala ne dianyisha bua tshia-bupikudi.

2 Masanka atudi tupeta bua tshia-bupikudi: Ku diambuluisha dia tshia-bupikudi, badi ‘batujimijila mibi yetu.’ (Kolos. 1:13, 14) Tudi mua kutendelela Yehowa ne kondo ka muoyo kimpe. (Eb. 9:13, 14) Tudi mua kusambila Yehowa katuyi tutshina. (Eb. 4:14-16) Tudi tupeta diakalenga dinene dia kuikala ne muoyo wa tshiendelele matuku adi alua.​—Yone 3:16.

3. Tshitudi mua kuenza ntshinyi bua kuleja ne: tudi ne dianyisha bua tshia-bupikudi?

3 Leja dianyisha: Umue mushindu utudi mua kuleja dianyisha dikole, nkulonda dituku dionso programe wa Dibala dia Bible bua Tshivulukilu ne kuelangana meji. Mbalongolole tshiena-bualu tshia “Udi mudilongolole bua dituku dipite bunene dia tshidimu anyi?” mu Tshibumba tshia Nsentedi (Mfual.) tshia dia 1 ngondo 2 wa 2011 bua kukuambuluisha. Tudi kabidi mua kusambila ne muoyo mujima bua kuambila Yehowa ne: tudi ne dianyisha dia bungi bua tshia-bupikudi. (1 Tes. 5:17, 18) Kulua mu Tshivulukilu bua kutumikila dîyi dia Yezu, nkuleja kabidi mutudi ne dianyisha. (1 Kol. 11:24, 25) Tudi kabidi mua kuidikija dinanga dikole dia Yehowa patudi tubikila bantu ba bungi mu Tshivulukilu.​—Yesh. 55:1-3.

4. Udi ne bua kuikala ne dipangadika kayi?

4 Batendeledi ba Yehowa badi ne dianyisha kabatu bamona Tshivulukilu mushindu umue ne bikuabu bisangilu to; kadi tshidimu tshionso etshi, batu bamona Tshivulukilu bu tshisangilu tshitambe bikuabu. Padi Tshivulukilu tshienda tshisemena, tuikale ne dipangadika dia buena dia mufundi wa Musambu wa 103, wakamba ne: ‘Mutshima wanyi, uvudijile Yehowa disanka; kupu muoyo bua masanka onso akutupeye.’​—Mus. 103:2.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu