Mua kufila bibejibeji

(Nuangate bia Mfualansa pikala bia Tshiluba kabiyiku)

Tshibumba tshia Nsentedi 1/3

“Malu adi bantu bamba bua Yezu adi abengangana. Wewe utu umumona bu muana wa Nzambi anyi bu muntu muimpe tshianana?” Lekela muntu andamune. Pashishe, nubale nende bualu bumue bua ku malu adi mu maleta mafikisha mu mabeji dia 16-17 ne mvese umue. Umupeshe tshibejibeji, mpindieu numvuangane nende bua kulua kuandamuna lukonko ludi lulonda.

Réveillez-vous! Ngondo 3

Paudi upetangana ne nsonga, umuleje tshiena-bualu tshidi mu dibeji dia 26. Umuleje mutu wa bualu wa kumpala, pashishe umuebeje ne: “Malu aa mmalelela anyi nga dishima? [Mulekela andamune. Pashishe nubale 2 Kolinto 7:1.] Badi bakula bua dinua dia makanya ne baleja tshia kuenza bua kualekela.”

Tshibumba tshia Nsentedi 1/4

“Bantu badi bamona Yezu mu mishindu ya bungi. Udi wela meji ne: mbimpe kumanya malu malelela a Yezu anyi? [Lekela muntu andamune. Pashishe nubale Yone 17:3.] Mukanda eu udi uleja tshidi Bible wamba bua Yezu: tshilejilu, kuvuaye mufumine, nsombelu wende ne bua tshinyi wakafua.”

Réveillez-vous! Ngondo 4

“Udi witaba ne: kufuisha muntu ke tshimue tshia ku bintu bibi bitambe bia pa buloba apa anyi? [Lekela muntu andamune.] Ba bungi batu bamona mubelu eu muikale muimpe. [Bala Musambu wa 55:22.] Mukanda eu udi uleja amue malu a kuenza patudi tufuisha, ne mushindu wa kuteka bujitu buetu pambidi pa Nzambi.”