TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 5/11 dib. 2
  • Kuenaku mua kuyisha mu Dia lumingu anyi?

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Kuenaku mua kuyisha mu Dia lumingu anyi?
  • Mudimu wetu wa Bukalenge—2011
  • Bintu bia muomumue
  • Bena nkristo mbenzejibue bua kunemekela dituku kampanda dia diikisha anyi?
    Tshibumba tshia Nsentedi tshidi tshimanyisha Bukalenge bua Yehowa—1993
  • Lidiya—Mutendeledi wa Nzambi muakididianganyi
    Tshibumba tshia Nsentedi tshidi tshimanyisha Bukalenge bua Yehowa—1996
  • Udi ukumbaja mudimu webe wonso menemene anyi?
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2019
  • “Kudi tshikondo tshisungula” bua kuenza mudimu ne bua kuikisha
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2019
Tangila bikuabu
Mudimu wetu wa Bukalenge—2011
km 5/11 dib. 2

Kuenaku mua kuyisha mu Dia lumingu anyi?

1. Tudi mua kulongela tshinyi ku tshiakenza Paulo ne balunda bende mu Filipoi?

1 Divua dituku dia Nsabatu, dituku divua bena Yuda ba mu Filipoi pa kuamba bonso bikisha. Paulo ne balunda bende bavua balue mu Filipoi bua kuyisha. Bavua benze mudimu mukole; nunku bu bobu bikishe pabu dia Nsabatu, kakuvua muntu uvua mua kubajana to. Kadi bu muvuabu bamanye ne: bena Yuda bavua baya kusambila pambelu pa tshimenga, bakaya kubayisha. Elabi meji bua disanka diakapeta Paulo ne balunda bende pakateleja Lidia ne bavua ku nzubu kuende bonso bobu kutambula! (Bien. 16:13-15) Bu mudi bantu ba bungi bikisha lelu mu Dia lumingu, bua tshinyi kubenga kuyisha ndambu dituku edi?

2. Leja muvua batendeledi ba Yehowa bakenge bua tuetu kuikala tuyisha mu Dia lumingu lelu.

2 Lutatu luakamueneka bua kuyisha mu Dia lumingu: Bakalomba batendeledi ba Yehowa mu 1927 bua kuyishaku ndambu mu Dia lumingu dionso. Kadi kuyisha dituku edi kuakajula buluishi diakamue. Tshilejilu, mu États-Unis bakabakuata ba bungi bualu bavua bashipa mukenji wa Nsabatu wa Dia lumingu. Bavua babamba ne: bavua banyanga ditalala ne bavua basumbisha bintu kabayi ne dianyisha dia mbulamatadi to. Kadi batendeledi ba Yehowa kabakalekela kuyisha to. Mu bidimu bia 1930, bakenza tshivuabu babikila ne: “diyisha muaba umue,” mbuena kuamba ne: bisumbu bionso bivua luseke lumue bivua biyisha mu teritware umue. Nunku pavuabu bakuata imue misangu bana betu, bavua babakuata ba bungi musangu umue, bena mbulamatadi bapanga kua kubela. Udiku umvua bimpe muvua bana betu bakenge bua tuetu lelu eu kupeta mushindu wa kuyisha mu Dia lumingu anyi?

3. Bua tshinyi Dia lumingu ndituku dimpe dia kuyisha?

3 Dituku dimpe dia kuyisha: Bantu ba bungi batu kumbelu mu Dia lumingu. Batu ne dîba dia bungi dia kuyikila ne bakuabu. Bamue batu baya kutendelela batu basue kuyikila malu a Nzambi mu Dia lumingu. Bituikala ne bisangilu mu Dia lumingu, tutu tuvuala anu bu mututu tuya mu buambi: nunku bua tshinyi kubenga kuenza programe wa kuyisha kumpala anyi padi bisangilu bijika? Pikalabi bikengedibua, nudi mua kuya ne biakudia bikese.

4. Tudi mua kupeta disanka kayi patudi tuyisha ndambu mu Dia lumingu?

4 Tuetu bayishe ndambu mu Dia lumingu, netupete anu dîba dia tuetu kuikisha. Netuikale ne disanka patudi tuikisha, bualu tuvua benzele Nzambi mudimu. (Nsu. 19:23) Tudi mene mua kupeta disanka dia kupetangana ne muntu bu Lidia.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu