Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga Bible ne bantu: Disambombo dia kumpala dia ngondo wa 7

“Bantu ba bungi bakaadi bambulule mêyi a mu disambila dia Tatu wetu aa: ‘Bumfumu buebe bufike, biudi musue bienzeke pa buloba, bu mudibi bienzeka mu diulu.’ Buebe wewe, Bumfumu ebu ntshinyi? [Lekela muntu andamune.] Mvese eu udi ufila diandamuna.” Bala Danyele 2:44. Pashishe upeshe muntu Tshibumba tshia Nsentedi tshia dia 1/7/2011. Balayi nende malu adi mu ka mutu ka bualu ka kumpala kadi mu dibeji dia 16. Umupeshe bibejibeji, numvuangane bua kulua kukonkonona diandamuna dia lukonko ludi lulonda.

Tshibumba tshia Nsentedi 1/7

“Bu mudi muoyo muikale wa matuku makese ne ntatu, bantu ba bungi batu badiebeja bua tshinyi tudi nawu. Ukadi pebe mudiebeje nunku anyi? [Lekela muntu andamune.] Bible udi wamba ne: muoyo kawakuikala amu nunku to. [Bala Buakabuluibua 21:4.] Mukanda eu udi uleja tshidi Nzambi musue kuenza ne buloba. Udi kabidi uleja amue malu atudi mua kuenza lelu eu bua kuikala ne disanka dia bushuwa.”

Réveillez-vous! Ngondo wa 7

Tela bualu bumue bubi budibu bakula ku bisanji. Pashishe wambe ne: “Buebe wewe, bua tshinyi Nzambi udi ulekela malu a mushindu eu enzeka? [Lekela muntu andamune.] Bible udi wamba ne: Nzambi udi umvuila bantu badi bualu ebu bukuate luse. [Bala Ekesode 3:7.] Bible udi utuambila kabidi tshidi Nzambi mulekele makenga. Udi wamba kabidi ne: Nzambi neajikije makenga aa mu katupa emu bua kashidi. Mukanda eu udi umvuija malu onso aa.”