Mua kubanga muyuki

(Nuangate bia Mfualansa pikala bia Tshiluba kabiyiku)

Mua kutuadija kulonga Bible ne bantu: Disambombo dia kumpala dia ngondo wa 12

“Ndi ngela meji ne: utu pebe witaba ne: muntu yonso utu dijinga ne balunda. Utuku musue bua balunda bebe bikale ne ngikadilu kayi? [Lekela muntu andamune.] Mu mukanda eu mbaleje bua tshinyi tudi ne bua kusungula bimpe balunda betu.” Umupeshe Tshibumba tshia Nsentedi tshia dia 1/12. Balayi nende malu adi mu ka mutu ka bualu ka ku tudi mu dibeji dia 16. Ubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko ludi lulonda.

Tshibumba tshia Nsentedi 1/12

“Ukadiku mudiebeje bua tshinyi nkuenzeke bipupu bipite bungi nunku matuku mashale aa anyi? [Lekela muntu andamune.] Umanye ne: Bible ukavua mumanyishe tshikondo tshikala bipupu ne bua kuvulangana. [Bala Matayo 24:7, 8.] Mukanda eu udi wandamuna nkonko eyi: Lelu kudi bipupu bia bungi bua tshinyi? Ndinyoka dia kudi Nzambi anyi? Tshidi tshitujadikila ne: Nzambi ukadi pa kujikija bipupu bionso mu katupa kîpi emu ntshinyi?”

Réveillez-vous! Ngondo wa 12

Bala 2 Timote 3:16. Pashishe wambe ne: “Bamue bantu batu bitaba ne: Bible mmufunda ne nyuma wa Nzambi, kadi bakuabu batu babenga. Kadi wewe udi wele meji kayi? [Lekela muntu andamune.] Nansha mutu bantu bafila mandamuna mashilangane, tudi bamanye ne: kakutu mukanda mukuabu utubu bakebe bua kujimija bu Bible to. Mukanda eu udi uleja mushindu uvuabu basue kujimija Bible ne basue kulekesha bantu bua kumubala mu bikondo bia kale. Udi uleja kabidi bua tshinyi Bible udiku too ne lelu.”