Bisangilu bia munkatshi mua lumingu

Kutuadijila ku lumingu lua dia 3/9/2012, Dilonga dia Bible dia Tshisumbu nedikale dienzeka mu minite 30 pamutu pa 25. Mu mêyi a mulombodi a mbangilu, neangate munite umue bua kuambulula dilongesha dishale. Tshisangilu tshia Mudimu netshikale tshienzeka minite 30 pamutu pa 35. Kakuakuikala kabidi tshitupa tshia mamanyisha to. Muanetu udi wenza mudimu wa kumpala wa mu Tshisangilu tshia Mudimu neanji kufila amue mamanyisha. Misangu ya bungi, mbimpe bua kufila mamanyisha makese bu bikalawu ne mushinga; ki mbimpe kumanyisha biena-bualu bikuabu bia mu Tshisangilu tshia Mudimu to. Kanumanyishi programe wa mudimu wa buambi, wa dikomba mu Nzubu wa Bukalenge nansha mioyo ivuabu batume to. (km 10/08 dib. 1, tshik. 4) Nuenu ne dimanyisha dile, mbimpe numanyishe bantu badi ne midimu kumpala kua dîba, bua bakepeshe minite idibu babakosele.